நேற்றைத் தொடர்ந்து இன்றும் பாகிஸ்தானில் நிலநடுக்கம்...!

பாகிஸ்தான் நாட்டில் இன்று மதிய நேரம் திடீரென நிலநடுக்கம் ஏற்பட்டது. இந்த நிலநடுக்கம் மதியம் 1:37 மணியளவில் (இந்திய நேரப்படி) ஏற்பட்டுள்ளது.

மேலும், தேசிய நில அதிர்வு மையம், இந்த நிலநடுக்கம் ரிக்டர் அளவுகோலில் 4.2 ஆக பதிவானதாக தெரிவித்துள்ளது.இது 180 கி.மீ. ஆழத்தில் ஏற்பட்டுள்ளதாகவும், இந்த நிலநடுக்கம், 32.57 டிகிரி வடக்கு அட்சரேகையிலும், 62.89 டிகிரி கிழக்கு தீர்க்கரேகையிலும் இருக்கும் என முதலில் தீர்மானிக்கப்பட்டது.

இந்த நிலநடுக்கத்தால் ஏற்பட்ட சேதம் மற்றும் பாதிப்பு குறித்து இதுவரை எந்தவித தகவலும் வெளியாகவில்லை.இதற்கு முன்னதாக பாகிஸ்தானில், நேற்று மாலை ரிக்டரில் 4.4 அளவிலான நிலநடுக்கம் ஏற்பட்டது குறிப்பிடத்தக்கது.