#BREAKING : துருக்கி, இந்தோனேசியாவை தொடர்ந்து ஆப்கானிஸ்தானில் நிலநடுக்கம்.!

ஆப்கானிஸ்தானில் 4.3 ரிக்டர் அளவில் நிலநடுக்கம் ஏற்பட்டுள்ளது.

துருக்கியில் கடந்த 2 நாட்களுக்கு முன்பு 6 முறை அடுத்தடுத்து நிலநடுக்கங்கள் ஏற்பட்டது. இந்த நிலநடுக்கத்தால் துருக்கியில் பல்வேறு பகுதிகளில் கட்டிடங்கள் இடிந்து பொதுமக்கள் இடுப்பாடுகளில் சிக்கி உயிரிழந்துள்ளனர். அதன்படி, இதுவரை 20,000-க்கும் மேற்பட்ட மக்கள் உயிரிழந்துள்ளனர்.

அதனைத் தொடர்ந்து நேற்று இந்தோனேசியாவில் நிலநடுக்கம் ஏற்பட்டது. அதன்படி, ஜெயப்பிரவில் கடற்கரை ஒட்டி இருந்த உணவகம் ஒன்று இடிந்து கடலுக்குள் விழுந்து உள்ளது. இதில் உணவகத்தில் சாப்பிட்டுக் கொண்டிருந்த 4 பேர் உயிரிழந்துள்ளனர்.

இந்த நிலையில் தற்போது இன்று காலை 10.10 மணிக்கு ஆப்கானிஸ்தானில் உள்ள ஃபாசியாபத் பகுதியில் இருந்து 265 கி.மீ தொலைவில் நிலநடுக்கம் ஏற்பட்டுள்ளது. இந்த நிலநடுக்கம் ரிக்டர் அளவுகோலில் 4.3ஆக பதிவாகியுள்ளது.