இந்தியாவில் வேலையின்மை விகிதம் குறைந்து வருகிறது என்றாலும், உண்மையில் வேலை கிடைக்காமல் வெறுத்து போய் தேடுவதை கைவிட்டவர்கள் கணக்கில் சேர்க்கப்படாததால் மட்டுமே இந்த எண் குறைந்து காணப்படுவதாக நிபுணர்கள் எச்சரிக்கின்றனர். சமூகநீதியை பல தசாப்தங்களாக முன்னேற்றிய இயக்கங்களின் முயற்சிகளையே இந்த நிலைமை தோல்வியடையச் செய்யக்கூடும் என்று பொருளாதார வல்லுநர்கள் கவலை தெரிவிக்கின்றனர்.

கடந்த 10 ஆண்டுகளில் இந்தியாவின் GDP வளர்ச்சி அதிகரித்தாலும், அந்த வளர்ச்சியில் தொழிலாளர்களின் பங்கை தொழில்நுட்பம் பெரிதும் மாற்றியுள்ளது. முன்பு 100 பேர் செய்த வேலையை இன்று 10 பேர் மற்றும் ஒரு நவீன மெஷின் செய்து விடுகிறது. குறிப்பாக AI வளர்ச்சி வேகமாக அதிகரித்ததால், பல நிறுவனங்கள் ஒரே நேரத்தில் பெருமளவு பணியாளர் துறப்புகளை செய்து விட்டன.

இதன் தாக்கம் அதிகம் படுவது முதல் தலைமுறை பட்டதாரிகள்மீது தான்.அவர்கள் குறைந்த வசதியுடன் அரசு கல்வி அமைப்பில் படித்து, அடிப்படை அறிவுடன் வேலைக்குச் செல்கின்றனர். ஆனால் AI நுழைந்தபின், கூடுதல் தொழில்நுட்ப பயிற்சி பெற்றவர்களே நிறுவனங்களில் தங்க முடிகிறது. முதல் தலைமுறை பட்டதாரிகளுக்கு புதிய தொழில்நுட்பங்களை கற்க நேரமும் பணமும் இல்லை; குடும்ப பொறுப்புகள் அவர்களை ஆட்டிப் படைக்கின்றன. இதனால், வேலை இழப்பு அவர்களை மிகவும் விரைவாகப் பாதிக்கிறது.

நவீன தொழில்நுட்பம் எதிரி அல்ல; அதனை சரியாக பயன்படுத்தாத நிறுவன முறைகள்தான் பிரச்சனை என நிபுணர்கள் சுட்டிக்காட்டுகின்றனர்.AI மூலம் கிடைக்கும் லாபத்தை நிறுவனங்கள் புதிய தொழில்களை உருவாக்க பயன்படுத்தினால், வேலை இழந்த 90 பேரும் மீண்டும் வேலை பெறக்கூடிய சூழல் உருவாகும். ஆனால் இந்தியா உள்ளிட்ட பல மாநிலங்களில் இது நடைமுறைக்கு வரவில்லை.

அரசு மற்றும் நிறுவனங்கள் இணைந்து தொடர்ந்து தொழில்நுட்பப் பயிற்சியை வழங்க வேண்டும்.வேலை இழந்தவர்களுக்கு “Reskilling allowance” போன்ற உதவித்தொகை வழங்கப்பட வேண்டும்.தொழிலாளர்களை திடீரென நீக்குவதை கட்டுப்படுத்தும் விதிமுறைகள் வலுப்படுத்தப்பட வேண்டும்.மனித வளர்ச்சியை மையமாகக் கொண்ட தொழில்நுட்பக் கொள்கைகளே தேவை.

இதையெல்லாம் செய்யாவிட்டால், முதல் தலைமுறை பட்டதாரிகள் வறுமைச் சுழற்சியை உடைத்துவிட்டு முன்னேறுவது மிகவும் கடினமாகலாம் என நிபுணர்கள் எச்சரிக்கின்றனர்.