போக்குவரத்தை சீர் செய்த காவலருக்கு நேர்ந்து சோகம்: அதிர்ச்சியில் உறைந்த போலீசார்!

காஞ்சிபுரத்தைச் சேர்ந்த போக்குவரத்து காவலர் முத்துக்குமரன் (வயது 45) ஸ்ரீபெரும்புதூரில் பணியாற்றி வந்தார். இன்று வழக்கம் போல் ஸ்ரீபெரும்புதூர் சென்னை-பெங்களூர் தேசிய நெடுஞ்சாலை மற்றும் திருவள்ளூர் சாலை இணையும் கூட்டுச்சாலையில் முத்துக்குமரன் போக்குவரத்தை சீர் செய்து கொண்டிருந்தார்.

அப்போது பின்னால் கலவை இயந்திரத்தை இழுத்து வந்த 407 கூண்டு வண்டி மோதியதில் அவர் முன்னாள் சென்ற கண்டைனர் லாரி இடையே சிக்கி வலது கால் முழுவதும் முறிந்தது.

இதனை பார்த்த அக்கம் பக்கத்தினர் உடனடியாக முத்துக்குமாரனை மீட்டு மருத்துவமனைக்கு அழைத்துச் சென்ற நிலையில் செல்லும் வழியிலேயே அவர் பரிதாபமாக உயிரிழந்தார்.