தவெகவில் இணையும் செங்கோட்டையன்? கொங்கில் ஸ்ட்ராங்காகும் தவெக! விஜய் போடும் கணக்கு!
Sengottaiyan to join Tvk will be strong in Kongil Vijay prediction
அதிமுகவில் இருந்து நீக்கப்பட்ட மூத்த தலைவர் கே.ஏ. செங்கோட்டையன், வரும் நவம்பர் 27-ஆம் தேதி நடிகர் விஜய் முன்னிலையில் தமிழக வெற்றி கழகத்தில் இணைவார் என்ற தகவல் கொங்கு மண்டலத்தில் பெரும் பரபரப்பை ஏற்படுத்தியுள்ளது.
அதிமுக உள்ளக மோதல் காரணமாக அடிப்படை உறுப்பினர் பதவியே பறிக்கப்பட்ட செங்கோட்டையன், ஓ.பன்னீர் செல்வம், டி.டி.வி தினகரன் உள்ளிட்டோருடன் நெருக்கமாக நடந்து வரும் நிலையில், அவரது அடுத்த நகர்வு குறித்து அரசியல் வட்டாரத்தில் தீவிர யூகங்கள் எழுந்துள்ளன.
செங்கோட்டையன் தவெகவில் இணைந்தால், கொங்கு மண்டலத்தில் தவெக வலுவாகும் என்பதே கட்சி நிர்வாகிகளின் நம்பிக்கை. ஏற்கனவே அதிமுக பிளவை சரிசெய்ய வேண்டும் என்ற அவரது வேண்டுகோளை எடப்பாடி பழனிசாமி ஏற்காமல் நீக்கம் செய்தது, இந்த இணைவு வாய்ப்பை இன்னும் பலப்படுத்தியதாகக் கருதப்படுகிறது.
செங்கோட்டையன் – விஜய் சந்திப்பு குறித்த அதிகாரப்பூர்வ அறிவிப்பு எதுவும் வெளிவராதபோதும், கொங்கு மண்டலத்தில் இந்த செய்தி வேகமாக பரவி வருகிறது. இது உண்மையானால், 2026 தேர்தலுக்கு முன் தமிழக அரசியலில் பெரிய அதிர்வை உருவாக்கக்கூடிய நகர்வாக மதிக்கப்படுகிறது.
English Summary
Sengottaiyan to join Tvk will be strong in Kongil Vijay prediction