கருத்துக்கணிப்புகள் வெறும் முன்னோட்டம்தான்...! - தேர்தல் முடிவுகள் குறித்து தமிழிசை கொடுத்த நச் பதில்...!

சென்னையில் நடைபெற்ற செய்தியாளர் சந்திப்பில், தமிழிசை சவுந்தராஜன் தனது கருத்துகளை வெளிப்படுத்தியுள்ளார்.அவர் உரையாற்றுகையில், “போர்ச்சூழ்நிலையின் தாக்கத்தால் வணிக பயன்பாட்டுக்கான எரிவாயு சிலிண்டர் விலையில் ஏற்பட்ட உயர்வு என்பது நிரந்தரமல்ல; அது ஒரு தற்காலிக மாற்றமே.

உலக நாடுகள் பெரும்பாலானவை பெட்ரோல், டீசல் விலைகளை அதிகரித்து வரும் சூழலில், இந்தியாவில் அந்த நிலை பெரிதாக உருவாகாதது நரேந்திர மோடி அவர்களின் நிர்வாகத் திறனை வெளிப்படுத்துகிறது” என்று தெரிவித்துள்ளார்.

மேலும், “இந்தியாவில் பிரதமர் மோடியின் திறமையான ஆட்சி காரணமாக பெட்ரோல், டீசல் மற்றும் வீட்டு பயன்பாட்டுக்கான சிலிண்டர் விலைகள் கட்டுக்குள் வைக்கப்பட்டுள்ளன.

வணிக சிலிண்டர் விலை உயர்வு தற்காலிகமான தாக்கமே ஆகும்; உலகளாவிய போரின் விளைவுகள் எவ்வாறு செயல்படுகின்றன என்பதை ஆழமாக பரிசீலிக்க வேண்டும்” என்றும் அவர் குறிப்பிட்டுள்ளார்.

அதேபோல், கருத்துக்கணிப்புகள் தொடர்பாக உடனடியாக கருத்து தெரிவிப்பது அவசியமில்லை என்றும், உண்மையான முடிவுகள் வெளியாகும் வரை பொறுமையுடன் காத்திருக்க வேண்டும் என்றும் அவர் தெரிவித்துள்ளார்.