வடகிழக்கு பருவமழையை முன்னிட்டுப் பொது சுகாதாரத்துறை சார்பில் வெளியிட்டுள்ள சுற்றறிக்கையின் முக்கிய விவரங்கள்:

அரசு அலுவலகங்கள் மற்றும் கல்வி நிறுவனங்கள்: அரசு அலுவலகங்கள், கல்வி நிறுவனங்கள் மற்றும் மாணவர்கள் தங்கும் விடுதிகளில் நோய் தடுப்பு வழிகாட்டுதல்களை முறையாகப் பின்பற்ற வேண்டும்.

சுற்றுப்புறச் சுகாதாரம்: எதிர்நோக்கும் பருவமழை காலத்தில் தொற்றுநோய் பரவலைத் தடுக்க அரசு வளாகங்களில் சரியான சுற்றுப்புறச் சுகாதாரத்தைப் பராமரிக்க வேண்டும்.

தொடர் ஆய்வுகள்: அரசு அலுவலகங்கள், பள்ளி, கல்லூரிகள் மற்றும் விடுதி வளாகங்களில் கொசுக்கள் உற்பதியாவதும் எலிகள் பெருகுவதைத் தடுக்கத் தொடர்ந்து ஆய்வுகள் மேற்கொள்ளப்பட வேண்டும்.

தேவையற்ற கழிவுகளை அகற்றுதல்: தேங்கும் மழை நீரையும், கொசுக்கள் இனப்பெருக்கம் செய்ய ஏதுவான டயர்கள், உடைந்த பாத்திரங்கள் போன்ற தேவையற்ற கழிவுகளை அகற்ற வேண்டும்.

மருத்துவச் சிகிச்சை மற்றும் தகவல்: ஊழியர்கள், மாணவர்கள் அல்லது விடுதி வாசிகளுக்குக் காய்ச்சல் அல்லது பிற நோய் அறிகுறிகள் தென்பட்டால் உடனடியாக மருத்துவச் சிகிச்சை பெற அறிவுறுத்த வேண்டும். மேலும், ஒரே நேரத்தில் பலருக்குக் காய்ச்சல் பாதிப்பு ஏற்படுவது கண்டறியப்பட்டால் உடனடியாகச் சுகாதார அதிகாரிகளுக்குத் தெரிவிக்க வேண்டும்.