சென்னை சென்டிரல் முதல் மேற்கு வங்காளம் ஹவுரா அருகிலுள்ள சந்திரகாச்சி வரை கோடை கால நெரிசலை சமாளிக்க சிறப்பு ரெயில்கள் இயக்கப்படுகின்றன என தெரிவிக்கப்படுகின்றது.இதன்படி, சென்னை சென்டிரலில் இருந்து ஏப்ரல் 22-ம் தேதி காலை 11 மணிக்கு புறப்படும் சிறப்பு ரெயில் (வண்டி எண் 06005), மறுநாள் மாலை 6.30 மணிக்கு சந்திரகாச்சியை சென்றடையும் என தெரிவிக்கப்படுகின்றது.

அதேபோல், சந்திரகாச்சியில் இருந்து ஏப்ரல் 23-ம் தேதி இரவு 9.30 மணிக்கு புறப்படும் (வண்டி எண் 06006) சிறப்பு ரெயில், மூன்றாம் நாள் காலை 9 மணிக்கு சென்னை சென்டிரலை வந்தடையும் என குறிப்பிடப்படுகின்றது.

இந்த ரெயிலில் பயணிகள் வசதிக்காக 13 தூங்கும் வசதி பெட்டிகள், 2 இரண்டாம் வகுப்பு பெட்டிகள், 1 ஏசி இரண்டாம் வகுப்பு பெட்டி மற்றும் 3 ஏசி மூன்றாம் வகுப்பு பெட்டிகள் இணைக்கப்பட்டுள்ளன என தெரிவிக்கப்படுகின்றது. இந்த ரெயிலுக்கான முன்பதிவு காலை 8 மணியிலிருந்து தொடங்கும் எனவும் தெரிவிக்கப்படுகின்றது.

மேலும், சென்னை சென்டிரலிலிருந்து மேற்கு வங்காளத்தின் கரக்பூர் நோக்கியும் சிறப்பு ரெயில் சேவை அறிவிக்கப்பட்டுள்ளது. ஏப்ரல் 20-ம் தேதி காலை 10 மணிக்கு புறப்படும் (வண்டி எண் 06003) இந்த ரெயில், மறுநாள் மாலை 4 மணிக்கு கரக்பூரை சென்றடையும் என தெரிவிக்கப்படுகின்றது.

மறுமார்க்கத்தில், கரக்பூரில் இருந்து இரவு 7 மணிக்கு புறப்படும் (வண்டி எண் 06004) சிறப்பு ரெயில், மூன்றாம் நாள் அதிகாலை 3 மணிக்கு ஈரோட்டை அடையும் என தெரிவிக்கப்படுகின்றது. இந்த சேவைக்கான முன்பதிவும் காலை 8 மணியிலிருந்து தொடங்கும் என அதிகாரப்பூர்வமாக தெரிவிக்கப்படுகின்றது.