சென்னையில் நாசவேலைக்கு சதி திட்டம் தீட்டப்பட்டதில் பாகிஸ்தான் தூதரக அதிகாரியான அமீர் சுபைர் சித்திக் என்பவருக்கு நெருங்கிய தொடர்பு இருக்கும் திடுக்கிடும் தகவல் தெரியவந்ததது. 

பாகிஸ்தான் ஆதரவு பயங்கரவாதிகள் அவ்வப்போது தமிழகத்தில் ஊடுருவி முக்கியமான இடங்களை புகைப்படம் எடுத்து நாசவேலையில் ஈடுபடுவதற்கு திட்டம் தீட்டு வதை வாடிக்கையாகவே வைத்துள்ளனர். இது தொடர்பாக சென்னை மண்ணடியில் பதுங்கி இருந்த பாகிஸ்தான் உளவாளியான ஜாகீர்உசேன் என்பவர் கடந்த 2014-ம் ஆண்டு கைது செய்யப்பட்டார். அவரது கூட்டாளிகளான5 பேரிடமும் நடத்திய அதிரடி விசாரணையில் சென்னை உள்பட தமிழகத்தின் பல்வேறு இடங்களில் நாசேலைக்கு சதி திட்டம் தீட்டிய அதிர்ச்சி தகவல் தெரியவந்தது.

இவர்களில் ஜாகீர் உசேன், அருண் செல்வராஜ் ஆகிய இருவரும் இலங்கையில் இருந்து சென்னை வந்து பயங்கரவாத செயல்களில் ஈடுபடும் எண்ணத்தோடு பதுங்கி இருந்தது அம்பலமானது. அது தொடர்பாக அடுத்தக்கட்ட விசாரணையை தீவிரப்படுத்தினர்.

இது தொடர்பாகவும் 5 பேரிடமும் விசாரணை தீவிரப்படுத்தப்பட்டது. அப்போது அமெரிக்க தூதரகம் உள்ளிட்ட இடங்களில் நாசவேலையில் ஈடுபடுவதற்கு இந்த கும்பல் மிகப்பெரிய அளவில் சதி திட்டம் தீட்டி இருப்பது தெரிய வந்ததை தொடர்ந்து  தீவிர விசாரணை நடத்தப்பட்டது.

இப்படி சென்னையில் நாசவேலைக்கு சதி திட்டம் தீட்டப்பட்டதில் பாகிஸ்தான் தூதரக அதிகாரியான அமீர் சுபைர் சித்திக் என்பவருக்கு நெருங்கிய தொடர்பு இருக்கும் திடுக்கிடும் தகவல் தெரியவந்ததது. கைதானவர்கள் அளித்த வாக்குமூலத்தின் அடிப்படையில் 'அமீர் சுபைர் சித்திக்கையும் இந்த வழக்கில் முக்கிய குற்றவாளியாக என்.ஐ.ஏ. அதிகாரிகள் சேர்த்தனர்.இலங்கையில் பாகிஸ்தான் தூதரக விசா அதிகாரியாக செயல்பட்டு வந்த அமீர் சுபைர் சித்திக் பாகிஸ்தானில் கராச்சியில் வசித்து வருகிறார்.

அவரை கைது செய்வதற்கு தேவையான நடவடிக்கைகளை தொடர்ந்து பூந்தமல்லி சிறப்பு கோர்ட்டு பிடிவாரண்டும் பிறப்பித்தது. ஆனால் அமீர் சுபைர் சித்திக் தொடர்ந்து தலை மறைவாகவே இருந்து வருகிறார். இதையடுத்து தேடப்படும் குற்றவாளியாக பூந்தமல்லி கோர்ட்டால் அறிவிக்கப்பட்டுள்ளார். இதற்கிடையே  அமீர் சுபைர் சித்திக் வருகிற 15-ந்தேதி காலை 10.30 மணிக்குள் ஆஜராக வேண்டும் என்றும் சிறப்பு உத்தரவு பிறப்பிக்கப்பட்டு உள்ளது.