தமிழகம் வந்த பிரதமர் நரேந்திர மோடி, அதிமுக பொதுச் செயலாளர் எடப்பாடி கே. பழனிசாமியை தனியாக சந்திக்க மறுத்ததற்கான பின்னணி காரணங்கள் தற்போது வெளியாகி, அரசியல் வட்டாரத்தில் பரபரப்பை உருவாக்கியுள்ளது.

தமிழகத்தில் வரவிருக்கும் 2026 சட்டமன்றத் தேர்தலை எதிர்கொள்வதற்காக பாஜக – அதிமுக கூட்டணி ஏற்கனவே உறுதியாகி விட்டது. இந்த கூட்டணியில் அதிமுக தான் முக்கிய கூட்டணிக்கட்சி என்றும், எடப்பாடி பழனிசாமி தான் தமிழகத்தில் NDA தலைவராக இருப்பார் என்றும் பாஜக உறுதி செய்திருந்தது.

இந்நிலையில், அண்மையில் தூத்துக்குடி விமான நிலைய விரிவாக்க நிகழ்ச்சியில் கலந்துகொள்வதற்காக தமிழகத்துக்கு வந்த பிரதமர் மோடி, அதிமுக தலைவர் பழனிசாமியை தனிப்பட்ட முறையில் சந்திக்கப்போகிறார் என்ற தகவல்கள் வெளியானது. ஆனால் எதிர்பார்ப்புகளுக்கு மாறாக, மோடி – பழனிசாமி சந்திப்பு நடைபெறவில்லை. இருவரும் வெறும் மரியாதை கை அசைவுடன் விலகியதைத் தொடர்ந்து, இந்த சந்திப்பு ஏன் தவிர்க்கப்பட்டது என்ற கேள்வி எழுந்தது.

தற்போது வெளியாகும் தகவலின்படி, கூட்டணி தளத்தில் சில முரண்பாடுகள் காரணமாக பிரதமர் மோடி பழனிசாமியுடன் தனிப்பட்ட சந்திப்பை தவிர்த்துள்ளதாக கூறப்படுகிறது. அதிமுகவிலிருந்து விலகி வெளியேறிய ஓ.பன்னீர்செல்வம், டிடிவி தினகரன் உள்ளிட்ட முன்னாள் தலைவர்களை மீண்டும் NDA கூட்டணியில் இணைத்துக் கொள்ள வேண்டும் என பாஜக விரும்புகிறது. ஆனால் இதற்கு பழனிசாமி கடுமையான எதிர்ப்பு தெரிவித்துவருவது, பாஜகவில் அதிருப்தியை ஏற்படுத்தியுள்ளது.

மேலும், பழனிசாமி மேற்கொண்டுள்ள தமிழ்நாடு முழுக்குள்ள சுற்றுப்பயணத்தில் பிரதமர் மோடி அல்லது மத்திய பாஜக அரசின் சாதனைகள் குறித்து எந்தவிதமான பாராட்டும் வைக்கப்படவில்லை என்பதையும் பாஜக நிர்வாகிகள் மத்திய தலைமையிடம் புகாராக தெரிவித்துள்ளனர். இதன் காரணமாகவே பிரதமர் மோடி, பழனிசாமியை சந்திக்க முன்வரவில்லை என கூறப்படுகிறது.

இந்த நிலைமை, பாஜக – அதிமுக கூட்டணியின் எதிர்காலம் குறித்து பல்வேறு சந்தேகங்களை எழுப்பி உள்ளது. கூட்டணி உறுதி செய்துவிட்டோம் என்றளவில் அரசியல் நம்பிக்கையும் உறவுமுறையும் பத்திரமாக இருப்பதில்லை என்பதை இந்த சம்பவம் சுட்டிக்காட்டுகிறது.

மோடி – பழனிசாமி சந்திப்பு தவிர்க்கப்பட்ட பின்னணி காரணங்கள் வெளியானதைத் தொடர்ந்து, தமிழ் அரசியலில் பாசறை மாறும் சாத்தியக்கூறுகள் குறித்து கலந்துரையாடல் உருவாகியுள்ளது.