இலங்கையை வீழ்த்திய வங்காளதேசம்.. தன்விர் இஸ்லாமின் அபார பந்து வீச்சு!

இலங்கை அணியுடன் நடைபெற்ற இரண்டாவது ஒருநாள் போட்டியில் வங்காளதேசம் 16 ரன்கள் வித்தியாசத்தில் பரபரப்பான வெற்றியைப் பெற்றுள்ளது.

3 போட்டிகள் கொண்ட ஒருநாள் தொடரில் இதுவரை ஒரு போட்டியை இலங்கை கைப்பற்றிய நிலையில், இரண்டாவது போட்டி நேற்று கொழும்புவில் நடைபெற்றது.

டாஸ் வென்று முதலில் பேட்டிங் செய்த வங்காளதேசம், 45.5 ஓவர்களில் 248 ரன்களுக்கு அனைத்து விக்கெட்டுகளையும் இழந்தது. இதில் பர்வேஸ் ஹொசைன் எமோன் 67 ரன்களுடன் சிறப்பாக விளையாடினார். இலங்கை பந்துவீச்சில் அசிதா பெர்னாண்டோ 4 விக்கெட்டுகள் மற்றும் ஹசரங்கா 3 விக்கெட்டுகள் வீழ்த்தி ஆட்டத்தை கட்டுப்படுத்தினர்.

248 ரன்கள் இலக்குடன் களமிறங்கிய இலங்கை அணி, ஆரம்பத்திலேயே விக்கெட்டுகளை இழந்ததால் அழுத்தத்தில் சிக்கியது. ஜனித் லியானகே 78 ரன்கள் அடித்தாலும், அணியை மீட்டெடுக்க முடியவில்லை. இறுதியில், 48.5 ஓவர்களில் 232 ரன்களுக்கு அனைத்து விக்கெட்டுகளையும் இழந்தது.

வங்காளதேசம் தரப்பில் தன்விர் இஸ்லாம் 5 விக்கெட்டுகளை வீழ்த்தி, வெற்றிக்கு முதன்மை காரணமாக இருந்தார்.

இந்த வெற்றியுடன் தொடர் தற்போது 1-1 என சமநிலையில் உள்ளது. தீர்மானமான மூன்றாவது மற்றும் இறுதி போட்டி ஜூலை 8ம் தேதி நடைபெற உள்ளது.