ஆசியக் கோப்பை கிரிக்கெட் போட்டி : இந்தியா - பாகிஸ்தான் அணிகள் மீண்டும் மோதல்.!
Asia Cup group 4 india vs pakistan match tomorrow
ஆசிய கோப்பை கிரிக்கெட் போட்டியில் நாளை இந்தியா-பாகிஸ்தான் அணிகள் மீண்டும் மோதுகின்றன.
15வது ஆசிய கோப்பை கிரிக்கெட் தொடர் ஐக்கிய அரபு அமீரகத்தில் விறுவிறுப்பாக நடைபெற்று வருகிறது. 6 அணிகள் கொண்ட ஆசிய கோப்பை கிரிக்கெட் தொடரின் போட்டிகள் துபாய் மற்றும் ஷார்ஜா மைதானத்தில் நடைபெற்று வருகிறது.
இதில், முதல் சுற்று போட்டிகள் முடிவடைந்துள்ளது. இதில் சூப்பர் 4 சுற்றுக்கு இந்தியா, பாகிஸ்தான், ஆப்கானிஸ்தான், இலங்கை ஆகிய 4 அணிகள் சூப்பர் 4 சுற்றுக்கு முன்னேறியுள்ளது.
சூப்பர்-4 சுற்றில் 6 போட்டிகள் நடைபெறும். அதைத் தொடர்ந்து செப்டம்பர் 11-ம் தேதி துபாயில் இறுதிப் போட்டி நடைபெறும்.
இதில், குரூப் சுற்றில் விளையாடிய பரம எதிரிகளான இந்தியாவும் பாகிஸ்தானும் சூப்பர்-4 சுற்றில் மீண்டும் ஒருமுறை மோத உள்ளன. இந்தியா-பாகிஸ்தான் இடையிலான இரண்டாவது சந்திப்பு நாளை (செப்டம்பர் 4ஆம் தேதி) துபாய் சர்வதேச மைதானத்தில் நடைபெறவுள்ளது.
முந்தைய போட்டியில், இந்தியா 5 விக்கெட் வித்தியாசத்தில் பாகிஸ்தானை வீழ்த்தியது குறிப்பிடத்தக்கது. தற்போது இந்தியாவும் - பாகிஸ்தானும் மீண்டும் மோத உள்ளதால் இந்த போட்டிக்கான எதிர்பார்ப்பு ரசிகர்களிடையே அதிகரித்துள்ளது.
English Summary
Asia Cup group 4 india vs pakistan match tomorrow