தேசிய பாஜக மகளிரணி தலைவரும், கோவை தெற்கு சட்டமன்ற உறுப்பினருமான வானதி சீனிவாசன், தனது எக்ஸ் தள பதிவின் மூலம் திமுக மீது கடுமையான குற்றச்சாட்டுகளை முன்வைத்து அரசியல் விவாதத்தை கிளப்பியுள்ளார்.

அவர் பதிவில், “சமூக நீதி, சமத்துவம் என மேடைகளில் வலியுறுத்தி வரும் திராவிட முன்னேற்றக் கழகம், உண்மையில் பட்டியலின மக்கள், பழங்குடியினர், பெண்கள் மற்றும் பிற்படுத்தப்பட்ட சமூகங்களுக்கு அரசியல் அதிகாரம் வழங்குவதில் உண்மையான ஆர்வம் காட்டுவதில்லை” என தெரிவிக்கப்படுகின்றது.

மேலும், “அவர்களுக்கு அரசியல் அதிகாரம் கிடைக்கும் வாய்ப்புகள் உருவாகும் தருணங்களில், அதை தடுக்கவே முயற்சிகள் மேற்கொள்ளப்படுகின்றன என்பதற்கு சமீபத்திய சம்பவங்களே சான்றாக உள்ளன” எனவும் அவர் குறிப்பிட்டுள்ளார்.

நாடாளுமன்றம் மற்றும் மாநில சட்டமன்றங்களில் பெண்களுக்கு 33 சதவீத இடஒதுக்கீடு வழங்கும் அரசியல் சாசன திருத்த மசோதா தோல்வியடைந்ததை சுட்டிக்காட்டிய அவர், “இந்த முக்கியமான மசோதாவை திமுக மற்றும் இந்திய தேசிய காங்கிரஸ் உள்ளிட்ட எதிர்க்கட்சிகள் இணைந்து தடுப்பதில் பங்கு வகித்துள்ளன” என விமர்சித்துள்ளார்.

அத்துடன், “பெண்களுக்கு அரசியல் உரிமை வழங்கப்படாமல் தடுக்கப்பட்டதை கொண்டாடும் நிலை உருவாகியுள்ளது என்பது கவலைக்குரியது. இது வரலாற்றில் மன்னிக்க முடியாத செயலாக பதிவு செய்யப்படும்” எனவும் தெரிவித்துள்ளார்.

மேலும், புதுக்கோட்டை மாவட்டம் வேங்கைவயல் சம்பவத்தை நினைவுகூர்ந்த அவர், அந்த விவகாரத்தில் மாநில அரசு மற்றும் மு.க. ஸ்டாலின் தலைமையிலான காவலர்கள் மேற்கொண்ட நடவடிக்கைகள் கடும் விமர்சனத்திற்கு உள்ளாகியதாகவும், அந்த நிகழ்வு அரசியல் வரலாற்றில் நீங்காத களங்கமாகவே இருக்கும் எனவும் தெரிவித்துள்ளார்.

இதேபோல், பெண்கள் இடஒதுக்கீடு மசோதா தோல்வியும் அரசியல் வரலாற்றில் மற்றொரு கரும்புள்ளியாகப் பதிவாகும் எனக் குறிப்பிட்ட அவர், “தமிழக மக்கள் அனைத்தையும் கவனித்து வருகின்றனர்; வருகிற 23-ஆம் தேதி தங்களது தீர்ப்பை வாக்குச்சாவடிகளில் வெளிப்படுத்துவார்கள்” என வலியுறுத்தியுள்ளதாக தெரிவிக்கப்படுகின்றது.இந்த பதிவு, தேர்தல் சூழ்நிலையில் அரசியல் கட்சிகளுக்கிடையே கடும் வார்த்தைப் போருக்கு மேலும் தீனி சேர்த்துள்ளது.

வேங்கைவயல் போல இன்னொரு கரும்புள்ளி, மகளிர் இட ஒதுக்கீடு மசோதா தோல்வி.

திமுக எப்போதும் சமூக நீதி, சமத்துவம் பற்றி மேடைகளில் முழங்குவார்கள். பட்டியலினத்தவர், பழங்குடியினர், பெண்கள், பிற்படுத்தப்பட்ட மக்களுக்கு அரசியல் அதிகாரம் வழங்குவது தான் உண்மையான சமூக நீதி. ஆனால் அவர்களுக்கு… pic.twitter.com/1Ifae893nD

— Vanathi Srinivasan (@VanathiBJP) April 18, 2026