அரசியலமைப்பு தினத்தில் விஜய் உறுதி! - உரிமைகளைக் காக்க எழுச்சிப் பதிவு...!

தமிழக வெற்றிக்கழகத்தலைவர் விஜய், அரசியலமைப்பு தினத்தை முன்னிட்டு எக்ஸ் தளத்தில் வெளியிட்ட செய்தி,நம் நாட்டின் பாகுபாடற்ற எதிர்காலத்துக்கு வழிகாட்டு விளக்காக, அண்ணல் அம்பேத்கரின் மேதையான தலைமையில் உருவான இந்திய அரசியலமைப்பு, உலக நாடுகளின் மத்தியில் சிறந்த ஜனநாயக சட்ட ஆவணமாக திகழ்கிறது.

இறையாண்மை, சமத்துவம், சகோதரத்துவம் என மனித மதிப்புகளை உயர்த்திப் பேணும் இந்தச் சட்டம், பல்வேறு மொழி, இன, மத, பாரம்பரியங்களை ஒரே குடையின் கீழ் இணைக்கும் வல்லமை கொண்டது.

ஒற்றுமையினுள் வேற்றுமை வாழும் அடிப்படையை அமைத்த இந்த அரசியல் சாசனத்தை ஏற்றுக் கொண்ட நாளையே நாம் அரசியலமைப்பு தினம் என்று நினைவுகூர்கிறோம்.

இந்நாளில், நம் அரசியலமைப்பின் மரியாதை, மதிப்பு, மாண்பு ஆகியவற்றை காக்கவும் அது பெற்றுத்தந்த அடிப்படை உரிமைகளை பாதுகாக்கவும் உறுதியெற்போம் என அவர் பதிவு செய்துள்ளார்.