தாராபுரம், மது​ராந்​தகம் ஆகிய தொகு​தி​களின் இடைத்​தேர்​தலில், தவெக சார்​பில் வெற்றி பெற்ற சத்​தி​ய​பாமா, மரகதம் குமர​வேல் ஆகியோர் எம்​எல்​ஏ​வாக பதவி​யேற்​றுள்ளனர்.

தமிழகத்​தில் கடந்த ஏப்​ரலில் நடை​பெற்ற சட்​டப்​பேரவை பொதுத்​தேர்​தலில் அதி​முக சார்​பில் போட்​டி​யிட்ட சத்​ய​பாமா (தா​ராபுரம்), மரகதம் குமர​வேல் (மது​ராந்​தகம்) ஆகியோர் வெற்றி பெற்​றனர். ஆனால், தமிழகத்தில் தவெக ஆட்சியை கைப்பற்றியது. அதன்​பின் அவர்​கள் அந்த பதவியை ராஜி​னாமா செய்​து​ விட்டு தவெக கட்​சி​யில் இணைந்​தனர். தொடர்ந்து மது​ராந்​தகம், தாராபுரம் ஆகிய 02 தொகு​தி​களி​லும் இடைத்​தேர்​தல் கடந்த அக்​டோபர் 06-ஆம் தேதி நடை​பெற்​றது.

தேர்​தல் முடிவு​கள் கடந்த 09-ஆம் தேதி அறிவிக்​கப்​பட்​டன. இதில், மது​ராந்​தகம் தொகு​தி​யில் மரகதம் குமர​வேல் 20,040 வாக்​கு​கள் வித்​தி​யாசத்​தி​லும், தாராபுரம் தொகு​தி​யில் சத்​ய​பாமா 9,471 வாக்​கு​கள் வித்​தி​யாசத்​தி​லும் வெற்றி பெற்​றனர்.

இதையடுத்து சட்​டப்​பேரவை தலை​வர் ஜே.சி.டி.பிர​பாகர் தலை​மைச் செயல​கத்​தில் அவர்​களுக்கு நேற்று பதவி பிர​மாணம் செய்து வைத்​தார். இரு எம்​எல்​ஏ.க்​களும் உறு​தி​மொழியை வாசித்து எம்​எல்​ஏ​வாக பதவி​யேற்​றுக் கொண்​டனர். இந்த நிகழ்​வின் போது அமைச்​சர்​கள் என்​.ஆனந்த், கே.ஏ.செங்​கோட்​டையன், சிடிஆர்​.நிர்​மல்​கு​மார், ராஜ்மோகன், கோ.க.ஆதவ் அர்​ஜூ​னா, அருண்​ராஜ், நெ.மரிய​வில்​சன், ப.வெங்​கடரமணன், சட்​டப்​பேரவை செயலர் ஆர்​.​சாந்தி உட்பட பலர் கலந்​து​கொண்​டனர். பதவி​யேற்ற பின்​னர் 2 எம்​எல்​ஏக்​களும் முதல்​வர் விஜய்யை நேரில் சந்​தித்து வாழ்த்​துப் பெற்​றனர்.