ஓபிஎஸ் உள்ளிட்ட 11 எம்எல்ஏக்களை தகுதிநீக்கம் செய்ய கோரிய வழக்கு.. உச்சநீதிமன்ற நீதிபதி அதிரடி கேள்வி.!!
ops 11 mla case for supreme court
முதல்வர் ஜெயலலிதா மறைவுக்கு பின் முதலமைச்சராக இருந்த ஓ. பன்னீர்செல்வம் அவர்கள் தனது பதவியை ராஜினாமா செய்தார். அதன்பின் முதல்- அமைச்சர் பதவிக்கு எடப்பாடி பழனிசாமி அவர்கள் தலைமை ஏற்றார்.
அதன்பின் முதல்வர் பழனிச்சாமி தலைமையில் ஒரு அணியும், தர்மயுத்தம் ஆரம்பித்த ஓ.பன்னீர்செல்வம் தலைமையில் ஒரு அணியும் என அதிமுக பிளவுபட்டது. அந்த சமயத்தில் தமிழக சட்டசபையில் எடப்பாடி பழனிசாமி அரசு மீது நம்பிக்கை வாக்கெடுப்பு நடந்தது.
இதில் ஓ.பன்னீர் செல்வம் மற்றும் அவரது ஆதரவு எம்.எல்.ஏ.க்கள் 11 பேர் எடப்பாடி பழனிசாமிக்கு எதிராக வாக்களித்த போதிலும், அந்த நம்பிக்கை இல்லா தீர்மானத்தில் எடப்பாடி பழனிசாமி வெற்றி பெற்றார். பின்னர் தர்மயுத்தத்தை முடித்துக்கொண்ட ஓபிஎஸ் அணியும், பழனிச்சாமி தலைமையில் ஆன அணியும் ஒன்றாக இணைந்து அதிமுக கட்சியையும், சின்னத்தையும் தங்கள் வசப்படுத்தினர்.
அரசுக்கு எதிராக வாக்களித்த ஓ.பன்னீர்செல்வம் மற்றும் 11 எம்.எல்.ஏ.க்கள் மீது நடவடிக்கை எடுக்க வேண்டும் என்று தி.மு.க. கொறடா சக்கரபாணி, தினகரன் ஆதரவாளர் வெற்றிவேல் ஆகியோர் சென்னை உயர்நீதிமன்றத்தில் வழக்கு தொடர்ந்தனர்.
இந்த மனுவை நீதிபதிகள் விசாரணை செய்த நீதிபதிகள், திமுக மற்றும் தினகரனின் மனுவை தள்ளுபடி செய்தனர். இதை அடுத்து, உயர்நீதிமன்ற தீர்ப்பை எதிர்த்து, சுப்ரீம் கோர்ட்டில் மேல்முறையீடு செய்தனர்.இந்த மனுவை விசாரணைக்கு ஏற்றுக் கொண்ட உச்சநீதிமன்றம், இந்த வழக்கை விசாரித்து வருகிறது.
பன்னீர்செல்வம் உள்ளிட்ட 11 எம்எல்ஏக்களை தகுதிநீக்கம் செய்யக்கோரிய வழக்கை விரைந்து விசாரிக்க திமுக தரப்பில் உச்சநீதிமன்றத்தில் கோரிக்கை வைத்துள்ளனர்.
இந்நிலையி, ஓபிஎஸ் உள்ளிட்ட 11 எம்எல்ஏக்கள் விவகாரத்தை விரிவாக விசாரிக்க வேண்டியுள்ளது, உச்சநீதிமன்ற நீதிபதி பாப்டே கருத்து தெரிவித்துள்ளனர். சபாநாயகர் செய்ய வேண்டிய தகுதிநீக்க நடவடிக்கையை நீதிமன்றம் செய்ய இயலுமா? என்று நீதிபதி கேள்வி எழுப்பியுள்ளார்.
அரசியல் சாசனம் 226 பிரிவை பயன்படுத்தி எம்.எல்.ஏ.க்களை தகுதி நீக்கம் செய்ய நீதிமன்றத்துக்கு அதிகாரம் உள்ளது என்று திமுக தரப்பில் வாதம் செய்யப்பட்டது. எனவே 226 பிரிவின் அடிப்படையில் நடவடிக்கை எடுக்க வேண்டும் என்று திமுக தரப்பில் வாதம் செய்யப்பட்டது.
English Summary
ops 11 mla case for supreme court