நார்வே நாட்டைச் சேர்ந்த ''மேக்னஸ் கார்ல்சன்'' நார்வே செஸ்(2025 ) தொடரில் 7-வது முறையாக சாம்பியன் பட்டம் வென்றுள்ளார்.இதில் இறுதிச்சுற்று போட்டியில் கார்ல்சனை விட அதிக புள்ளிகளைப் பெறவேண்டும் என்ற நோக்கில், அமெரிக்க வீரர் கருவானாவை எதிர்த்து விளையாடிய தமிழ்நாட்டு வீரர் 'குகேஷ்', செய்த பெரிய தவறால் அவர் 3-வது இடத்திற்குச் சென்றார்.

மேலும், இந்த 10 சுற்று போட்டிகளின் முடிவில் 16 புள்ளிகளுடன் கார்ல்சன் முதல் இடம் பிடித்தார். கருவானா 15.5 புள்ளிகளுடன் 2-வது இடமும், இந்தியாவைச் சேர்ந்த 'குகேஷ்' 14.5 புள்ளிகளுடன் 3-வது இடமும் பிடித்தனர்.

இந்த நிலையில் முதலமைச்சர் மு.க.ஸ்டாலின், நார்வே செஸ் தொடரில் 3-வது இடம் பிடித்த குகேஷுக்கு வாழ்த்து தெரிவித்துள்ளார்.இதுகுறித்து அவர் தனது எக்ஸ் தளத்தில் வெளியிட்டுள்ள செய்திகுறிப்பில் குறிப்பிட்டதாவது," 2025-ம் ஆண்டு நார்வே செஸ் போட்டியில் 14.5 புள்ளிகளுடன் 3 வது இடத்தைப் பிடித்த நமது வீரர் டி.குகேஷ் குறித்து பெருமை கொள்கிறோம்.

குறிப்பிடத்தக்க திறமை மற்றும் உறுதியுடன், இந்தியாவின் செஸ் எதிர்காலத்தின் அடையாளமாக குகேஷ் தொடர்ந்து பிரகாசித்து வருகிறார்" என்று தெரிவித்துள்ளார்.

இதற்கு இணையத்தில் பலரும் வாழ்த்துக்களை தெரிவித்து வருகின்றனர்.