திமுக கூட்டணி; மனித நேய மக்கள் கட்சிக்கு 02 தொகுதிகள் ஒதுக்கீடு..!

வரும் ஏப்ரல் மாதம் தமிழக சட்டசபை தேர்தலை நடத்துவதற்கு தேர்தல் ஆணையம் ஏற்பாடுகள் செய்து வருகிறது. இதற்கான அறிவிப்பு மார்ச் 10-ந்தேதிக்குள் வெளியாகும் என எதிர்பார்க்கப்படுகிறது.

இந்நிலையில், தி.மு.க. கூட்டணியில் காங்கிரஸ், வி.சி.க., ம.தி.மு.க., கம்யூனிஸ்டுகள், தே.மு.தி.க., இந்திய யூனியன் முஸ்லிம் லீக், மனிதநேய மக்கள் கட்சி, தமிழக வாழ்வுரிமை கட்சி, கொ.ம.தே.க., மக்கள் நீதி மய்யம் கட்சிகள் இடம் பெற்றுள்ளன. இதுதவிர மேலும் சில சிறிய கட்சிகளும் கூட்டணியில் இணையவுள்ளது.

அதன்படி, இந்த கட்சிகளுக்கு எத்தனை தொகுதிகள் ஒதுக்குவது, எந்தெந்த தொகுதிகளை கொடுப்பது என்பது குறித்து பேசுவதற்கு தி.மு.க.வில் 7 பேர் கொண்ட பேச்சுவார்த்தை குழு அமைக்கப்பட்டுள்ளது.

இந்நிலையில் தி.மு.க. தனது கூட்டணி கட்சியான மனித நேய மக்கள் கட்சிக்கு, கடந்த முறை போன்று 02 தொகுதிகள் ஒதுக்கீடு செய்யப்பட்டுள்ளது.