நீர் மேலாண்மை, நில மேலாண்மை, ஆட்சி நிர்வாகம், கட்டடக்கலை, படைவலிமை மற்றும் போர்த்திறன் எனப் பல துறைகளிலும் மாபெரும் உயரங்களை எய்தி, தமிழர் பெருமையை உலகறியச் செய்தவர் மாமன்னர் இராசராசச் சோழன் ஆவார். அவரது பிறந்தநாளினை ஆண்டுதோறும் அரசு விழாவாகக் கொண்டாடிட, கடந்த 2022-ஆம் ஆண்டு திராவிட மாடல் அரசால் வெளியிடப்பட்ட அறிவிப்பிற்கிணங்க, மாமன்னரின் 1041-ஆவது சதய விழா இன்று சிறப்பாகக் கொண்டாடப்படுகிறது.

சோழர் அருங்காட்சியகம் மற்றும் அரசின் திட்டங்கள் குறித்தான கருத்துகள்
சோழர் அருங்காட்சியகம்: துறைவாரியாகச் சோழர் காலச் சிறப்புகளை இக்காலத் தலைமுறையினரின் கண்முன் கொண்டுவரும் பேரார்வத்துடன், தஞ்சை தமிழ்ப் பல்கலைக்கழக வளாகத்தில் சுமார் 56 கோடி ரூபாய் செலவில் சோழர் அருங்காட்சியகம் அமைக்கத் திராவிட மாடல் ஆட்சியில் விதை ஊன்றப்பட்டுள்ளதுடன், அந்த விதை வளர்ந்து மரமாக வேண்டும் எனத் தெரிவிக்கப்பட்டுள்ளது.

அரசுக்கு வேண்டுகோள்: பழக்க தோஷத்தில் இந்தத் திட்டத்தையும் த.வெ.க. அரசு குறுகிய பார்வையுடன் இரத்து செய்து, தமிழர் வரலாற்றை இருட்டடிப்பு செய்திட மாட்டார்கள் என நம்புவதாகக் குறிப்பிட்டுள்ள அவர், தஞ்சையில் இராசராசச் சோழனின் சதய விழா சிறப்புற நடந்தேற வாழ்த்துகளையும் அரசர்க்கரசரின் புகழையும் போற்றியுள்ளார்.