தலையில் பொடுகு வந்துவிட்டால் அரிப்பு, எரிச்சல், முடி உதிர்வு என பிரச்சினைகள் வரிசையாக தொடங்கிவிடும். ஆனால் கவலைப்பட வேண்டாம். வீட்டிலேயே இருக்கும் சில எளிய பொருட்களால் பொடுகை கட்டுப்படுத்தலாம்.

எலுமிச்சை - தயிர் கலவை
வீட்டில் எப்போதும் இருக்கும் தயிரே பொடுகுக்கு சிறந்த தீர்வாக அமையும்.ஒரு சிறிய கிண்ணத்தில் சிறிதளவு புளித்த தயிர் எடுத்து, அதில் அரை எலுமிச்சம்பழ சாறை பிழிந்து நன்றாக கலக்குங்கள்.இந்த கலவையை தலைமுடி வேர்பகுதியில் நன்றாகப் பூசி மெதுவாக மசாஜ் செய்யுங்கள்.
சுமார் 20 நிமிடங்கள் ஊறவிட்டு, பின்னர் மென்மையான ஷாம்புவால் கழுவுங்கள்.தயிர் தலையை மென்மையாக்கும்; எலுமிச்சை பொடுகை குறைக்க உதவும்.

வேப்பிலை எலுமிச்சை பேக்
தலை அதிகமாக அரிப்பதோடு சிறு கொப்பளங்கள் தோன்றினால் இந்த முறை மிகவும் பயனளிக்கும்.ஒரு கைப்பிடி வேப்பிலையை எடுத்து நன்றாக அரைத்து விழுதாக்குங்கள்.
அதில் சிறிதளவு எலுமிச்சை சாறு சேர்த்து நன்றாக கலக்குங்கள்.இந்த விழுதை தலையில் பேக் போல பூசி 15 நிமிடங்கள் விட்டு கழுவுங்கள்.வேப்பிலையில் உள்ள இயற்கை கிருமி எதிர்ப்பு தன்மை, பொடுகை உண்டாக்கும் பூஞ்சைகளை கட்டுப்படுத்த உதவும்.

சின்ன வெங்காய சாறு
பொடுகு வந்தால் அதோடு முடி உதிர்வும் அதிகரிக்கலாம். இதற்கு சின்ன வெங்காயம் சிறந்த தேர்வு.சுமார் 10 சின்ன வெங்காயங்களை அரைத்து, அதிலிருந்து சாறு மட்டும் எடுத்துக்கொள்ளுங்கள்.பஞ்சு உதவியுடன் அந்த சாறை தலையில் வேர்ப்பகுதியில் நன்றாகத் தடவுங்கள்.

15 நிமிடங்கள் கழித்து குளித்துவிடுங்கள்.
வெங்காயத்தில் உள்ள சல்பர், பொடுகை குறைப்பதோடு புதிய முடி வளர்ச்சிக்கும் துணைபுரியும்.கூடுதல் பராமரிப்பு குறிப்புகள்

சீப்பை சுத்தமாக வைத்திருங்கள்
உங்கள் சீப்பை மற்றவர்களுடன் பகிர வேண்டாம். வாரத்திற்கு ஒருமுறை வெந்நீரில் கழுவி சுத்தப்படுத்துங்கள்.

ஈரத்தலையுடன் இருக்காதீர்கள்
குளித்த பிறகு தலையை நன்றாக உலர்த்தாமல் முடியை கட்டிவிட வேண்டாம். ஈரம் நீண்ட நேரம் இருந்தால் பொடுகு அதிகரிக்கலாம்.

தலையணை உறையை மாற்றுங்கள்
வாரம் இரண்டு முறையாவது தலையணை உறையை மாற்றுவது நல்லது. அதில் தேங்கும் கிருமிகள் மீண்டும் தலையில் பரவ வாய்ப்பு உள்ளது.

தேங்காய் எண்ணெய் கற்பூரம் பராமரிப்பு
தலைக்கு எண்ணெய் வைக்கும் போது, சிறிதளவு தேங்காய் எண்ணெயை லேசாக சூடாக்குங்கள்.
அதில் ஒரு சிட்டிகை கற்பூரத்தை சேர்த்து கரையவிடுங்கள்.இந்த எண்ணெயை தலையில் தடவி வந்தால் பொடுகு வராமல் தடுக்க உதவும்.சிறிய பராமரிப்பே பெரிய மாற்றத்தை தரும்!
தலைச்சருமத்தை சுத்தமாகவும் ஆரோக்கியமாகவும் வைத்தால் பொடுகு பிரச்சினை குறைந்து, முடியும் அடர்த்தியாக வளரும்.