கடந்த நவம்பர் 10-ஆம் தேதி தலைநகர் டில்லி செங்கோட்டை கார் தற்கொலை குண்டு வெடிப்பு சம்பவம் நாட்டை உலுக்கியுள்ளது. இந்த பயங்கரவாத குண்டுவெடிப்பு தாக்குதலை நடத்தியது கேஷ்மீரை சேர்ந்த டாக்டர் உமர் என்பவன். 

இந்த கூட்டு சதியில் ஈடுப்பட்ட உமரின் தோழியான ஷாஹீன் சயீத் அறையில் இருந்து தற்போது ரூ.18 லட்சம் பணத்தை என்ஐஏ அதிகாரிகள் கைப்பற்றியுள்ளதாக கூறப்படுகிறது. பயங்கரவாதி உமர் நபி நடத்திய தற்கொலை படை தாக்குதலில் 15 பேர் கொல்லப்பட்டனர். அதே நாள் காலையில், ஹரியானாவின் பரிதாபாதில், 3,000 கிலோ வெடி பொருட்களுடன், அங்கு செயல்படும் அல்-பலாஹ் பல்கலையைச் சேர்ந்த டாக்டர்கள் முஸாம்மில் கனி, அவரது தோழி ஷாஹீன் சயீத் ஆகியோர் கைது செய்யப்பட்டனர்.

புலனாய்வு துறையினரின் தீவிர விசாரணையின் படி, உயிரிழந்த உமர் நபி கைதான டாக்டர் முஸாம்மிலின் நெருங்கிய கூட்டாளி என்பது தெரிய வந்தது. இந்த வழக்கில், கூட்டு சதிகாரர்கள் என 07 பேரை என்ஐஏ அதிகாரிகள் கைது செய்துள்ளனர்.

அந்தவகையில், அல்-பலாஹ் பல்கலையில் பயங்கரவாதி உமர் நபியின் தோழியான ஷாஹீன் சயீத்தை என்ஐஏ அதிகாரிகள் அழைத்து சென்று விசாரணை நடத்தினர். அப்போது, அவரது அறை எண் 32-இல் ரூ.18 லட்சம் பணத்தை அதிகாரிகள் கண்டுபிடித்துள்ளதோடு, அதனை கைப்பற்றியுள்ளனர். குறித்த பணம் பயங்கரவாத செயலுக்காக நிதியளிப்பதற்காக ஒதுக்கப்பட்டிருக்கலாம் என்ற சந்தேகத்தை அதிகரித்துள்ளதால், இது தொடர்பாக தீவிர விசாரணை நடந்து வருகிறதாக கூறப்படுகிறது.