வங்காளதேசத்திலிருந்து சட்டவிரோத குடியேற்றங்களை கண்டறிந்து நாடு கடத்தும் பணியில் மத்திய அரசு தீவிரமாக செயல்பட்டு வருகிறது. இதன் பகுதியாக, கடந்த ஜூன் 18-ஆம் தேதி டெல்லியில் 20 ஆண்டுகளாக வசித்து வந்த ஒரு கூலி தொழிலாளியின் குடும்பம், அவர்கள் வங்காளதேசத் துளையீட்டாளர்கள் என்ற சந்தேகத்தின் பேரில் அதிகாரிகளால் திடீரென அழைத்துச் செல்லப்பட்டது.

பின்னர், ஜூன் 27-ஆம் தேதி அந்த குடும்பம் நேரடியாக வங்காளதேச எல்லையில் இறக்கிவிடப்பட்டது. இதில், அந்த தொழிலாளியின் மகள் கர்ப்பிணியாக இருந்தார்; மேலும் 8 வயது குழந்தைக்கும் தாய் ஆவார். “நாங்கள் 20 ஆண்டுகளாக டெல்லியில் வாழ்கிறோம்” என்ற அந்த குடும்பத்தின் விளக்கம் புறக்கணிக்கப்பட்டதாக கூறப்படுகிறது.

இதையடுத்து, கர்ப்பிணிப் பெண் மற்றும் அவரது குழந்தையை மீண்டும் இந்தியாவுக்கு அழைத்து வர அனுமதி கோரி சுப்ரீம் கோர்ட்டில் மனு தாக்கல் செய்யப்பட்டது.இந்த வழக்கை விசாரித்த தலைமை நீதிபதி சூர்யகாந்த் தலைமையிலான அமர்வு,“மனிதாபிமான அடிப்படையில் கர்ப்பிணிப் பெண் மற்றும் அவரது குழந்தை இந்தியாவுக்குள் நுழையலாம்” என முக்கிய உத்தரவு பிறப்பித்தது.

மேலும், மத்திய அரசு சார்ந்த அதிகாரிகள் இதற்கு சம்மதம் அளித்திருப்பதாகவும், இந்தியாவுக்குள் வந்த பிறகு அந்தப் பெண் கண்காணிப்பில் வைத்துப் பராமரிக்கப்படுவார் என்றும் நீதிமன்றம் தெரிவித்தது.இதற்கிடையில், அந்தப் பெண்ணின் கணவரும் வங்காளதேசத்திற்கு நாடு கடத்தப்பட்டிருப்பது குறிப்பிடத்தக்கது.

அவரையும் மீள அழைத்துவர விரும்பி மூத்த வழக்கறிஞர்கள் கபில் சிபல் மற்றும் சஞ்சய் ஹெக்டே ஆகியோர் கோரிக்கை வைத்தனர்.ஆனால் மத்திய அரசு தரப்பு வழக்கறிஞர் துஷார் மேத்தா,“அனைவரும் வங்காளதேசத்தைச் சேர்ந்தவர்களே; தற்போது கர்ப்பிணி என்பதால் மட்டுமே தற்காலிக அனுமதி வழங்கப்படுகிறது” என்றார்.

தொடர்ந்து, கர்ப்பிணிப் பெண்ணுக்கான மருத்துவ உதவி, குழந்தை பராமரிப்பு உள்ளிட்ட அனைத்தையும் மேற்கொள்ள மேற்கு வங்க அரசு நடவடிக்கை எடுக்க வேண்டும் என சுப்ரீம் கோர்ட்டு உத்தரவிட்டுள்ளது.இந்நிலையில், அந்தத் தாய்–குழந்தை விரைவில் டெல்லிக்கு திரும்ப அழைத்து வரப்படுவார்கள் எனவும் நீதிமன்றம் உறுதிப்படுத்தியுள்ளது.