அயோத்தி ராமர் கோவிலில் தரிசனம் செய்த பூட்டான் பிரதமர் தாஷோ ஷெரிங் டோப்கே
Bhutanese Prime Minister Dasho Tshering Tobgay visits Ayodhya Ram temple
அயோத்தி: பூட்டான் பிரதமர் தாஷோ ஷெரிங் டோப்கே, தனது மனைவியுடன் இந்தியா வந்துள்ளார். இந்திய விமானப்படையின் சிறப்பு விமானம் மூலம் அயோத்தி விமான நிலையம் வந்தடைந்த அவருக்கு, மாவட்ட நிர்வாகம் சிவப்பு கம்பள வரவேற்பு அளித்தது. உத்தரப் பிரதேச மாநில மந்திரி உட்பட பல்வேறு அரசு அதிகாரிகள் அவரை அன்புடன் வரவேற்றனர்.
பின்னர், பிரதமர் தாஷோ ஷெரிங் டோப்கே அயோத்தி ராமர் கோவிலுக்கு சென்று சாமி தரிசனம் செய்தார். அயோத்தி – லக்னோ – கோரக்பூர் தேசிய நெடுஞ்சாலைகள் வழியாக காரில் கோவிலுக்கு வந்த அவர், அங்கு சிறப்பு பூஜையில் கலந்து கொண்டார்.
இதனுடன், அயோத்தியில் அமைந்துள்ள அணுமன் கோவில் மற்றும் பல்வேறு முக்கிய ஆலயங்களுக்கும் சென்று வழிபாடு செய்தார்.
பூட்டான் பிரதமரின் இந்த வருகை, இந்தியா–பூட்டான் உறவுகளை வலுப்படுத்தும் முக்கிய நிகழ்வாகக் கருதப்படுகிறது.
English Summary
Bhutanese Prime Minister Dasho Tshering Tobgay visits Ayodhya Ram temple