3 மாதத்தில் 767 விவசாயிகள் தற்கொலை..வெளியான அதிர்ச்சி ரிப்போர்ட்!
767 farmers committed suicide in 3 months Shock report released
மகாராஷ்டிராவில் இந்த ஆண்டு ஜனவரி முதல் மார்ச் வரை 767 விவசாயிகள் தற்கொலை செய்து கொண்டதாக நிவாரணம் மற்றும் மறுவாழ்வு துறை அமைச்சர் மகரந்த் பாட்டீல் தெரிவித்துள்ளார்.
மகாராஷ்டிராவில் 2001 முதல் 39,825 விவசாயிகள் தற்கொலைகள் பதிவாகியுள்ளதாக ஊடகங்களும் செய்தி வெளியிட்டுள்ளன. விவசாயிகளின் தற்கொலைகளில், 22,193 பேர் மாநிலத்தின் விவசாய நெருக்கடியுடன் தொடர்புடையவர்கள். குறைந்த மகசூல், கடன் மற்றும் போதுமான நீர்ப்பாசன வசதிகள் இல்லாததால் இந்த நெருக்கடி காரணமாக அந்த முடிவை அவர்கள் எடுத்து கொண்டதாக கூறப்படுகிறது.
தொடந்து 2024 ஆம் ஆண்டில், மகாராஷ்டிராவில் 2,635 விவசாயிகள் தற்கொலை செய்து கொண்டனர், இது 2023 இல் 2,851 ஆக இருந்தது.விதர்பாவைத் தவிர, யவத்மால், அமராவதி, அகோலா, புல்தானா மற்றும் வாசிம் ஆகிய இடங்களில் அதிக எண்ணிக்கையிலான விவசாயிகள் தற்கொலைகள் பதிவாகியுள்ளன என தெரிவிக்கப்பட்டது.
இந்தநிலையில் மகாராஷ்டிர சட்டமன்றத்தில் விவசாயிகள் தற்கொலை புள்ளிவிவரங்கள் குறித்த கேள்விக்கு மாநில நிவாரணம் மற்றும் மறுவாழ்வு துறை அமைச்சர் மகரந்த் பாட்டீல் அளித்த அதிர்ச்சி புள்ளிவிவரங்கள் தெரியவந்துள்ளன.
இந்த தற்கொலை வழக்குகளில், 373 குடும்பங்கள் நிதி இழப்பீடு பெற தகுதியுடையவை. ஆனால் அரசாங்கம் அவர்களில் 200 குடும்பங்களை தகுதியற்றவர்கள் என்று அறிவித்தது. 194 வழக்குகளில் விசாரணை நடந்து வருவதாகவும் அமைச்சர் பாட்டீல் தெரிவித்தார்.
தகுதியுள்ள 327 விவசாயிகளின் குடும்பங்களுக்கு தலா ரூ.1 லட்சம் நிதியுதவி வழங்கப்பட்டுள்ளதாகவும், மீதமுள்ள வழக்குகளில் இழப்பீடு வழங்குவதை முடிக்க முயற்சிகள் மேற்கொள்ளப்பட்டு வருவதாகவும் அமைச்சர் தெரிவித்தார்.பெரும்பாலான விவசாயிகள் தற்கொலைகள் மகாராஷ்டிராவின் விதர்பாவில் நடந்துள்ளன.தற்கொலை செய்து கொண்ட விவசாயிகளுக்கு வழங்கப்படும் உதவியை அதிகரிக்க வேண்டும் என்றும் காங்கிரஸ் எம்.எல்.ஏ.க்கள் கோரினர்.
English Summary
767 farmers committed suicide in 3 months Shock report released