ஒரு மருத்துவ தாவரமான கற்றாழை பல வகையான பிரச்சனைகளுக்கு மருந்தாக செயல்படுகிறது. இந்தச் செடியை வீட்டுக்குள்ளும், வெளியிலும் வளர்ப்பதால் பல நன்மைகள் உள்ளன.

* கற்றாழையை வீட்டில் வளர்த்தால் மாசுக்களை உறிஞ்சி சுத்தமான சூழலை உருவாக்கும். காற்றின் தரம் மேம்படுவதால், சுவாச நோய்களின் ஆபத்து குறைகிறது.

* கற்றாழையில் ஆன்டிஆக்ஸிடன்ட்கள், வைட்டமின்கள் மற்றும் தாதுக்கள் நிறைந்துள்ளதால், தோல் பராமரிப்பு பொருளாக பயன்படுத்தப்படுகிறது. கற்றாழை ஜெல் பல நோய்களுக்கு மருந்தாகவும், சிகிச்சையாகவும் பயன்படுகிறது. கற்றாழை இலைகளை வெட்டி, தோல் நீக்கி அதில் உள்ள ஜெல்லை ஜூஸ் செய்து குடிக்கலாம். சருமத்திலும் தடவலாம்.

* கற்றாழை ஜெல் முகப்பரு சிகிச்சைக்கு பயன்படுத்தப்படுகிறது. கற்றாழை ஜெல்லை தலையில் தடவி சிறிது நேரம் கழித்து குளித்தால் பொடுகு பிரச்சனை குறையும். இதில் உள்ள வைட்டமின் ஏ, வைட்டமின் சி, வைட்டமின் ஈ ஆகியவை சருமம் மற்றும் கூந்தலின் ஆரோக்கியத்திற்கு நல்லது.

* கற்றாழை செடி மன அழுத்தத்தை போக்குவதுடன் மன அழுத்தத்திலிருந்து விரைவாக மீள உதவுகிறது. அதுமட்டுமல்லாமல், கற்றாழை செடிகள் வீட்டில் நேர்மறை ஆற்றலை பரப்புகின்றன. ஆன்மிக ரீதியாகவும் மனதை தூய்மைப்படுத்தும் சக்தி இதற்கு உண்டு. அதனால் எதிர்மறையான விஷயங்களில் மனம் செல்லாது.