சிம்பு பிறந்தநாள் ஸ்பெஷல்.. ‘பத்து தல' படத்தின் ‘நம்ம சத்தம்' பாடல் ரிலீஸ்.!
Simbu in pathu thala movie 1st single released
சிம்பு நடிப்பில் இறுதியாக வெளியான திரைப்படம் தான் வெந்து தணிந்தது காடு. இந்த படத்திற்கு ரசிகர்கள் மத்தியில் நல்ல வரவேற்பு கிடைத்தது. நீண்ட இடைவெளிக்கு பின் சிம்பு வெங்கட் பிரபுவின் இயக்கத்தில் மாநாடு படத்தில் நடித்திருந்தார்.
இந்த படத்தை தொடர்ந்து, சிம்புவின் ரசிகர்கள் மிகுந்த உற்சாகத்துடன் அவரை ஊக்குவித்து வருகின்றனர். அடுத்ததாக சிம்பு நடிப்பில் பத்து தல திரைப்படம் வெளியாக இருக்கின்றது. இந்த திரைப்படத்தை என்.கிருஷ்ணா இயக்க ஞானவேல் ராஜா தயாரிக்கிறார்.
மேலும், இந்த படத்தில் நடிகை ப்ரியா பவானி சங்கர் மற்றும் கௌதம் கார்த்திக் உள்ளிட்டோர் நடித்துள்ளனர். சமீபத்தில், இந்த படத்தின் படப்பிடிப்புகள் அனைத்தும் முடிவடைந்த நிலையில், வரும் மார்ச் 30ம் தேதி வெளியாகும் என படக்குழு அறிவித்துள்ளது.
இந்த நிலையில் பத்து தல திரைப்படத்தின் முதல் பாடல் நடிகர் சிம்புவின் பிறந்தநாளை முன்னிட்டு வெளியிடப்படும் என படக்குழு அறிவித்திருந்தது. அதன்படி இன்று நள்ளிரவு 12.06 மணிக்கு பத்து தல திரைப்படத்தின் முதல் பாடலான 'நம்ம சத்தம்' எனத் தொடங்கும் பாடலை படக்குழு வெளியிட்டுள்ளது.
English Summary
Simbu in pathu thala movie 1st single released