Zelio E-Mobility நிறுவனம் தனது X-Men+ எலக்ட்ரிக் ஸ்கூட்டரின் 2026 பதிப்பை ₹60,000 விலையில் இந்திய சந்தையில் அறிமுகப்படுத்தியுள்ளது. நகர்ப்புற பயணிகளுக்காக வடிவமைக்கப்பட்ட இந்த குறைந்த வேக ஸ்கூட்டர், ஒருமுறை சார்ஜில் 120 கிலோமீட்டர் வரை பயணிக்கும் திறன் கொண்டதாகும்.

இந்த புதிய மாடலில் டார்க் நைட் பிளாக், வெள்ளை, மிட்நைட் ப்ளூ மற்றும் நார்டோ கிரே என நான்கு புதிய நிறங்களில் கிடைக்கிறது. மேலும், அறிமுக சலுகையாக முதல் 5,000 வாடிக்கையாளர்களுக்கு இலவச ஹெல்மெட் வழங்கப்படுகின்றது.

இந்த ஸ்கூட்டர் மணிக்கு 25 கி.மீ. உச்ச வேகத்தைக் கொண்டதால், ஓட்டுநர் உரிமம் தேவையில்லாத வகையில் வகைப்படுத்தப்பட்டுள்ளது. நகரப் போக்குவரத்து நெரிசலில் தினசரி பயணங்களுக்கு இது ஏற்றதாக நிறுவனம் தெரிவித்துள்ளது.

2026 மாடலில் முக்கிய மாற்றமாக பின்புற சக்கரம் 10 அங்குலத்திலிருந்து 12 அங்குலமாக உயர்த்தப்பட்டுள்ளது. இதனால் பயண நிலைத்தன்மை மற்றும் சௌகரியம் மேம்பட்டுள்ளது. முன் மற்றும் பின்புறத்தில் ஹைட்ராலிக் ஷாக் அப்சார்பர்கள், டிஸ்க்-டிரம் பிரேக் அமைப்பு, மற்றும் உறுதியான டயர்கள் வழங்கப்பட்டுள்ளன.

இந்த ஸ்கூட்டர் 60/72V BLDC மோட்டாரால் இயக்கப்படுகிறது. லித்தியம்-அயன் மற்றும் லெட்-ஆசிட் பேட்டரி தேர்வுகளுடன் கிடைக்கிறது. லித்தியம் பேட்டரி 4–5 மணி நேரத்தில் சார்ஜ் ஆகும் நிலையில், லெட்-ஆசிட் பேட்டரிக்கு 8–10 மணி நேரம் ஆகும். ஒருமுறை சார்ஜுக்கு சுமார் 1.5 யூனிட் மின்சாரம் மட்டுமே பயன்படுத்தப்படுவதால், செலவு குறைவாக இருக்கும்.

மேலும், ரிவர்ஸ் கியர், டிஜிட்டல் டிஸ்ப்ளே, USB சார்ஜிங், திருட்டு தடுப்பு அலாரம், சென்ட்ரல் லாக்கிங் போன்ற பல வசதிகளும் இதில் வழங்கப்பட்டுள்ளன. ஸ்கூட்டருக்கு 2 ஆண்டுகள் உத்தரவாதமும், பேட்டரிக்கு 1 ஆண்டு உத்தரவாதமும் வழங்கப்படுகிறது.

நகர்ப்புறங்களில் எரிபொருள் விலை உயர்வு மற்றும் மின்சார வாகனங்களுக்கான அதிகரிக்கும் தேவை ஆகியவற்றை கருத்தில் கொண்டு, மலிவு விலையில் பயனுள்ள தீர்வாக X-Men+ 2026 மாடலை உருவாக்கியுள்ளதாக நிறுவன நிர்வாகம் தெரிவித்துள்ளது.