சென்னை:மலிவான விலையில் ஸ்டைலான மற்றும் சக்திவாய்ந்த பைக்கைத் தேடுபவர்களுக்கு டிவிஎஸ் மோட்டார் நிறுவனம் புதிய பரிசை வழங்கியுள்ளது. புதிய ES+ எனும் மாடலில் டிவிஎஸ் ஸ்போர்ட் பைக் அறிமுகமாகியுள்ளது. தினசரி பயணத்திற்குப் பொருத்தமான, சிறந்த மைலேஜ், வசதிகள் மற்றும் நவீன வடிவமைப்புடன் இந்த பைக் தற்போது ரூ.60,881 (எக்ஸ்-ஷோரூம், டெல்லி) என்ற அடிப்படை விலையில் கிடைக்கிறது.

விரிவான அம்சங்கள்:
புதிய ES+ பைக்கில் 109.7 சிசி சிங்கிள் சிலிண்டர் ஏர்-கூல்டு, ஃப்யூவல் இன்ஜெக்டட் என்ஜின் பயன்படுத்தப்பட்டுள்ளது. இது 8.08 bhp பவரும் 8.7 Nm டார்க்கும் உற்பத்தி செய்யும். 4 ஸ்பீடு மேனுவல் கியர்பாக்ஸ் மூலம் இயக்கப்படும் இந்த பைக்கின் மேக்ஸ் ஸ்பீடு மணிக்கு 90 கிமீ ஆகும். மைலேஜ் சுமார் 65 கிமீ/லிட்டர் என டிவிஎஸ் கூறுகிறது.

பைக்கின் எடை 112 கிலோ, கிரவுண்ட் கிளியரன்ஸ் 175 மிமீ. இதில் 10 லிட்டர் எரிபொருள் டேங்கும் வழங்கப்பட்டுள்ளது. பாதுகாப்பிற்காக முன்னும் பின்னும் டிரம் பிரேக் சிஸ்டமும், முன்புறம் டெலஸ்கோபிக் ஃபோர்க்குகள் மற்றும் பின்னால் டூயல் ஷாக் அப்சார்பர்களும் உள்ளன.

மலிவு விலையில் ஸ்டைலிஷ் தேர்வு:
ES+ மாடல், டிவிஎஸ் ஸ்போர்ட் ரேஞ்சில் Self Start Alloy மற்றும் ELS Alloy மாடல்களுக்கிடையே இடம் பிடிக்கிறது. இது சிறந்த அம்சங்களை விரும்பும், ஆனால் அதிகம் செலவழிக்க வேண்டாம் என்று நினைப்பவர்களுக்கு நடுநிலைத் தேர்வாக விளங்குகிறது.

ஸ்ப்ளெண்டருக்கு நேரடி போட்டி:
இந்தியாவின் பட்ஜெட் பைக் சந்தையில் ஹீரோ மோட்டோகார்ப்பின் ஸ்ப்ளெண்டர் முன்னணியில் இருக்கிறது. இதற்குப் போட்டியாக டிவிஎஸ் ஸ்போர்ட் ES+ நல்ல செயல்திறனும், பெரிதான என்ஜினும் கொண்டதாக வருவதால், சந்தையில் நல்ல வரவேற்பைப் பெறும் என எதிர்பார்க்கப்படுகிறது.

பட்ஜெட் விலையில் ஸ்டைலான, நம்பகமான மற்றும் சக்திவாய்ந்த பைக்கைத் தேடுபவர்கள், டிவிஎஸ் ஸ்போர்ட் ES+ மாடலை சரியாக ஒரு "வாலியூ ஃபார் மணி" தேர்வாக கருதலாம். இதன் செயல்திறன், நவீன வடிவமைப்பு மற்றும் மைலேஜ் அம்சங்கள், அதை அன்றாட பயணங்களுக்கு ஏற்றதாக மாற்றுகின்றன.