மலாக்கா ஜலசந்திக்கு மேல் உருவான காற்றழுத்த தாழ்வு மண்டலம் மேலும் பலம் பெறத் தொடங்கியுள்ளது. இந்திய வானிலை ஆய்வு மையம் வெளியிட்ட தகவலின்படி, அது தற்போது 'ஆழ்ந்த காற்றழுத்த தாழ்வு மண்டலமாக' மாறியுள்ளதுடன், மேற்கு–வடமேற்கு திசையில் நகர்ந்து இன்றே மதியம் சென்யார் புயலாக உருவாகும் வாய்ப்பும் அதிகரித்துள்ளது.

இதற்கு இணையாக, வங்கக்கடலில் இலங்கை கரையை ஒட்டி இருந்த தாழ்வு மண்டலும் இன்றுக்குள் வலுவடைந்து ஆழ்ந்த காற்றழுத்த தாழ்வாக மாறக்கூடும் என்று வானிலை மையம் எச்சரிக்கை விடுத்துள்ளது. நாளையுடன் அது முழு fledged காற்றழுத்த தாழ்வு மண்டலமாகும் எனவும் கூறப்பட்டுள்ளது.
சென்னை வானிலை மையம் வெளியிட்ட விரிவான விளக்கம்
24.11.2025 அன்று மலேசியா, மலாக்கா கடல்சந்தியை சுற்றிய பகுதியில் இருந்த தாழ்வு மண்டலம் மெதுவாக நகர்ந்து 25-ந்தேதி காலை 8.30 மணிக்கு காற்றழுத்த தாழ்வு மண்டலமாக வலுப்பெற்றது.
அப்போது அது நன்கோவரிலிருந்து தென்–தென்கிழக்கே 740 கி.மீ. தொலைவிலும், கார் நிகோபாரிலிருந்து 870 கி.மீ. தொலைவிலும் இருந்தது.
அடுத்த 24 மணி நேரத்தில் மேலும் வலுப்பெறும் எனவும் இந்திய வானிலை ஆய்வு மையம் கணித்துள்ளது.
இதற்கிடையில், குமரிக்கடலுக்கு மேல் இருந்த வளிமண்டல கீழடுக்கு சுழற்சி 25-ந்தேதி அதிகாலை 5.30 மணியளவில் காற்றழுத்த தாழ்வு பகுதியாகி, பின்னர் காலை 8.30க்குள் தென்மேற்கு வங்கக்கடல் – இலங்கை பகுதிகளில் நிலை கொண்டது. இது வடமேற்கே நகர்ந்து இன்று ஆழ்ந்த தாழ்வாகவும், நாளை காற்றழுத்த தாழ்வு மண்டலமாகவும் சக்தி பெறும் என தெரிவிக்கப்பட்டுள்ளது.
வரும் இரண்டு நாட்களுக்கான மழை வாய்ப்பு
இன்று – 26.11.2025
தென் தமிழகத்தில் பல இடங்களில், வட தமிழகம், புதுவை, காரைக்கால் பகுதிகளில் இடியுடன் கூடிய லேசான முதல் மிதமான மழை.
கடலோர பகுதிகளில் மணிக்கு 30–40 கி.மீ. வேகத்தில் பலத்த காற்று.
கன்னியாகுமரி, திருநெல்வேலி, தூத்துக்குடி, ராமநாதபுரம் – சில இடங்களில் கனமழை சாத்தியம்.
நாளை – 27.11.2025
தென் & வடதமிழக சில இடங்கள், புதுவை – தொடர்ந்தும் இடியுடன் மழை.
தூத்துக்குடி, ராமநாதபுரம், புதுக்கோட்டை, தஞ்சாவூர், திருவாரூர், நாகப்பட்டினம் – தனித்தனிப் பகுதிகளில் கனமழை அதிக வாய்ப்பு.