பொங்கல் பண்டிகையை முன்னிட்டு மக்கள் பயன்பாட்டிற்காக சிறப்பு ரயில்களை தென்னக ரயில்வே அறிவித்துள்ளது. சென்னை தாம்பரம் ரயில் நிலையத்திலிருந்து தென் மாவட்டங்களுக்கு 5 சிறப்பு ரயில்கள் அறிவிக்கப்பட்டுள்ளது. அதன்படி வரும் ஜன.12ம் தேதி இரவு 9:00 மணிக்கு தாம்பரத்திலிருந்து புறப்படும் சிறப்பு ரயில் மறுநாள் காலை 9:00 மணிக்கு திருநெல்வேலி சென்று அடைகிறது.

திருநெல்வேலியிலிருந்து ஜன.13ம் தேதி மதியம் 1:00 புறப்படும் ரயில் மறுநாள் அதிகாலை 3:20 மணிக்கு சென்னை எழும்பூர் ரயில் நிலையத்தை வந்தடைகிறது. 

தாம்பரம் ரயில் நிலையத்திலிருந்து ஜன.13ம் தேதி இரவு 7:30 மணிக்கு புறப்படும் ரயில் மறுநாள் காலை 7:10 மணிக்கு நாகர்கோயிலை சென்றடைகிறது.

நாகர்கோவிலில் இருந்து ஜன.16ம் தேதி மாலை 5:10 மணிக்கு புறப்படும் ரயில் மறுநாள் காலை 7:30 மணிக்கு தாம்பரம் ரயில் நிலையத்தை வந்தடைகிறது. 

கேரள மாநிலம் கொச்சிவேலியில் இருந்து ஜன.17ம் தேதி காலை 11:40 மணிக்கு புறப்படும் ரயில் மறுநாள் காலை 6:20 மணிக்கு தாம்பரம் வந்தடைகிறது.

தாம்பரம் ரயில் நிலையத்திலிருந்து ஜன.18ம் தேதி காலை 10:30 மணிக்கு புறப்படும் ரயில் மறுநாள் அதிகாலை 3:20 மணிக்கு கொச்சிவேலியை சென்று அடைகிறது. 

கேரள மாநிலம் எர்ணாகுளத்தில் இருந்து ஜன.12ம் தேதி இரவு 11:20 மணிக்கு புறப்படும் ரயிலானது மறுநாள் காலை 11:30 மணிக்கு சென்னை சென்ட்ரலை வந்தடைகிறது.

சென்னை சென்ட்ரல் ரயில் நிலையத்திலிருந்து ஜன.13ம் தேதி மதியம் 2:50 மணிக்கு புறப்படும் ரயில் மறுநாள் அதிகாலை 3:10 மணிக்கு எர்ணாகுளம் ரயில் நிலையத்தை சென்றடைகிறது.

தாம்பரத்தில் இருந்து ஜன.16ம் தேதி இரவு 10:30 மணிக்கு புறப்படும் ரயில் மறுநாள் காலை 9:00 மணிக்கு திருநெல்வேலி சென்றுடைகிறது.

திருநெல்வேலியில் இருந்து ஜன.17ம் தேதி இரவு 10:30 மணிக்கு புறப்படும் ரயில் மறுநாள் காலை 9:00 மணிக்கு தாம்பரம் வந்தடைகிறது.

இந்த அனைத்து சிறப்பு ரயில்களுக்கான டிக்கெட் முன்பதிவு துவங்கும் தேதி விரைவில் அறிவிக்கப்படும் என தென்னக ரயில்வே தெரிவித்துள்ளது.