இங்கிலாந்தின் புதிய நிதி அமைச்சர் மற்றும் சுகாதாரத் துறை அமைச்சர் நியமனம்.!!
england new finance minister and health minister
இங்கிலாந்தில் போரிஸ் ஜான்சன் தலைமையிலான பழமைவாத கட்சியின் ஆட்சி நடைபெற்று வருகிறது. அந்த கட்டியின் துணை கொறடாவாக எம்பி கிறிஸ் பின்ஷர் உள்ளார். கடந்த புதன்கிழமை கிறிஸ் பின்ஷர் இரவு நேர கேளிக்கை விடுதியில் இரு ஆண்களிடம் பாலியல் ரீதியில் அநாகரிகமாக செயல்பட்டதாக குற்றச்சாட்டு எழுந்தது.
இதையடுத்து, கிறிஸ் பின்ஷர் கட்சியின் துணைக் கொறடா பதிவிலிருந்து ராஜினாமா செய்தார். அதை அடுத்து பழமைவாத கட்சி எம்பி பதவியில் இருந்து கிறிஸ் பின்ஷர் இடைநீக்கம் செய்யப்பட்டார். நேரத்தில் உரிய நடவடிக்கை எடுக்கவில்லை என குற்றச்சாட்டு இருந்தது.
இதைத்தொடர்ந்து, இங்கிலாந்து நிதி அமைச்சர் ரிஷி சுனக் மற்றும் சுகாதாரத்துறை சஜித் ஜாவித் ஆகியோர் தங்கள் பதவியை ராஜினாமா செய்தனர். பாலியல் குற்றச்சாட்டு தொடர்பான விவகாரத்தை போரிஸ் ஜான்சன் சரியான நேரத்தில் உரிய நடவடிக்கை எடுக்கவில்லை என கூறி இருவரும் தங்கள் பதிவை ராஜினாமா செய்தனர்.
இந்நிலையில், இங்கிலாந்தின் நதீம் சஹாவி நிதி அமைச்சராகவும், ஸ்டீவ் பார்க்லே சுகாதார அமைச்சராகவும் செயல்படுவார்கள் என பிரதமர் போரிஸ் ஜான்சன் அறிவித்துள்ளார்.
English Summary
england new finance minister and health minister