திருநெல்வேலி மாவட்டம், மூலக்கரைப்பட்டி மற்றும் எடுப்பூர் பகுதிகளில் நடந்த ஒரு சம்பவம் சமூகத்தை அதிரச்செய்தது.கடந்த 2011-ம் ஆண்டு 52 வயதான முத்துபாண்டி, தனது மனைவியை வரதட்சணை கொடுமையில் ஒதுக்கி, 2வது திருமணம் செய்து கொண்ட வழக்கில், நாங்குநேரி குற்றவியல் நீதிமன்றத்தில் நீதி கிடைத்துள்ளது.

இந்த நீதிமன்ற நடுவர் பூமிநாதன் வழக்கை தீர்மானித்தார்.இந்த வழக்கில் கணவன் மீதான குற்றம் நிரூபிக்கப்பட்டது. அதில் முத்துபாண்டி மற்றும் 2வது மனைவி சசிகலா இருவருக்கும் தலா 3 ஆண்டு சிறை தண்டனை மற்றும் ரூ.1,000 அபராதம் விதிக்கப்பட்டது.

இதில் திறம்பட புலன்விசாரணை மேற்கொண்டு தற்போது ஓய்வு பெற்ற டி.எஸ்.பி. விஜயகுமார், நீதிமன்ற விசாரணையை கவனித்த நாங்குநேரி உட்கோட்ட டி.எஸ்.பி. தர்ஷிகா நடராஜன், போலீஸ் இன்ஸ்பெக்டர் மங்கையர்கரசி மற்றும் அரசு வழக்கறிஞர் அனிதா ஆகியோரின் நிபுணத்தன்மை மற்றும் விடாமுயற்சி சிறப்பாக பாராட்டப்பட்டு, திருநெல்வேலி மாவட்ட எஸ்.பி. சிலம்பரசன் அவர்களை பாராட்டினார்.

மேலும், இதுகுறித்து மாவட்ட காவல்துறை தெரிவிப்பதாவது, “பெண்கள் மற்றும் குழந்தைகளின் பாதுகாப்பை உறுதி செய்வது முன்னிலை; குற்றவாளிகள் மீது தீவிரமான, தொடர்ச்சியான சட்ட நடவடிக்கைகள் எடுக்கப்படுகிறது" என்று தெரிவித்துள்ளார்.

இந்த வழக்கு திருநெல்வேலி காவல்துறையின் தீர்மானமான நடவடிக்கையும், பெண்கள் பாதுகாப்புக்கான உறுதிப்பாட்டையும் வெளிப்படுத்துகிறது.