இந்தியாவின் மரண பந்துவீச்சை தாக்குபிடித்த பங்களாதேஷ்! நிர்ணயிக்கப்பட்ட இலக்கு!

உலகக் கோப்பை கிரிக்கெட் தொடரின் இன்றைய லீக் ஆட்டத்தில் இந்தியா- பங்களாதேஷ் அணிகள் ஆடி வருகின்றன.

புனேயில் இன்று மதியம் 2.00 மணிக்கு தொடங்கிய இந்த ஆட்டத்தில், டாஸ் வென்ற பங்களாதேஷ் அணி கேப்டன் ஷான்டே, பேட்டிங் தேர்வு செய்தார்.

பங்களாதேஷ் அணியின் கேப்டனும், ஆல்ரவுண்டருமான ஷாகிப் அல் ஹசன் இன்றைய ஆட்டத்தில் களமிறங்காமல் போனது அந்த அணிக்கு பெரும் பின்னடைவாக பார்க்கப்பட்டது.

ஆனால், களத்தில் இறங்கிய தொடக்க ஆட்டக்காரர்கள் ஹசன், லித்தன் தாஸ் ஜோடி சிறப்பானதொரு தொடக்கத்தை கொடுத்தனர். இதில் ஹசன் 51 ரன்னுக்கும், தாஸ் 66 ரன்னுக்கும் ஆட்டமிழந்தனர்.

அடுத்து களமிறங்கிய வீரர்கள் சொற்ப ரன்களுக்கு ஆட்டமிழக்க, ரஹீம் உடன் ஜோடி சேர்ந்த முகமதுல்லா நிதானமானாக ஆடி ரன் குவிப்பில் ஈடுபட்டார்.

இறுதியில் பங்களாதேஷ் அணி நிர்ணயிக்கப்பட்ட 50 ஓவர்களில் 8 விக்கெட் இழப்பிற்கு 256 ரன்கள் சேர்த்துள்ளது.