ஊழல் புகாரில் சிக்கிய அமைச்சர் நீக்கம் - மம்தா பானர்ஜி.!
WestBengal TMC Minister ParthaChatterjee
மேற்குவங்காள மாநிலத்தில் திரிணாமுல் காங்கிரஸ் அரசின் தொழில் துறை அமைச்சராக உள்ளவர் பாா்த்தா சாட்டா்ஜி. இவர் இதற்கு முன்பு கல்வி அமைச்சராக இருந்தபோது ஆசிரியா் பணி நியமனம் தொடா்பாக முறைகேட்டில் ஈடுபட்டதாக இவரை அமலாக்கத் துறையினா் கடந்த ஜூலை 23-ம் தேதி கைது செய்தனர்.
பாா்த்தா சாட்டா்ஜி தற்போது அமலாக்கத் துறையினரின் காவலில் இருக்கும் நிலையில், மேற்கு வங்க அமைச்சரவையில் இருந்து பார்த்தா சட்டர்ஜி நீக்கப்பட்டுள்ளதாக அறிவிக்கப்பட்டுள்ளது.
மேலும், தொழில் துறை, வர்த்தகத்துறை, தகவல் தொழில்நுட்பத்துறை, மின்னணுவியல் நாடாளுமன்ற விவகாரங்கள் துறை, தொழில் துறை புனரமைப்பு ஆகிய துறைகளிலிருந்தும் அவர் நீக்கப்படுவதாக அறிவிக்கப்பட்டுள்ளது.
இதற்கிடையே, திரிணாமுல் காங்கிரஸ் கட்சயின் தலைவரும், மேற்கு வங்க முதலமைச்சருமான மம்தா பானர்ஜி தெரிவிக்கையில், "பார்த்தா சட்டர்ஜியை நீக்கி என்னுடைய கட்சி தீவிர நடவடிக்கை மேற்கொண்டுள்ளது. இந்த விவகாரத்தின் பின்னணியில் பல திட்டங்கள் உள்ளன. ஆனால் நான் அதனைப் பற்றி கூற விரும்பவில்லை." என்று முதலமைச்சர் மம்தா பானர்ஜி தெரிவித்துள்ளார்.
English Summary
WestBengal TMC Minister ParthaChatterjee