நானே ரயிலை மறித்து போராட்டம் செய்வேன் - மக்களவையில் மாணிக்கம் தாகூர் அறைகூவல்.!
train protest Manikam Tagore say Lok Sabha
சிவகாசியில் கொல்லம் ரயில் நின்று செல்லவில்லை என்றால், ரயில் மறியலில் ஈடுபட போவதாக பாராளுமன்ற மழைக்கால கூட்டத்தொடரில் மக்களவையில் மாணிக்கம் தாகூர் தெரிவித்துள்ளார்.
மேலும், இது குறித்து அவர் தெரிவித்துள்ளதாவது,
"சென்னை எழும்பூர்-கொல்லம் விரைவு ரயிலானது மோடி அரசு அமைந்த பிறகு சிவகாசியில் நிற்பதில்லை. சிவகாசியில் கொல்லம் ரயில் நிறுத்த வேண்டும் என்று கடந்த ஏப்ரல் மாதம் ரயில்வே அமைச்சர் அஸ்வினி வைஷ்ணவை சந்தித்து கோரிக்கை வைத்தேன்.
இதற்கு முன்னதாக கடந்த 2021-ம் ஆண்டு செப்டம்பர் 21-ஆம் தேதி சிவகாசியில் கொல்லம் ரயில் நிறுத்த வேண்டும் என்று அப்போதைய ரயில்வே அமைச்சர் பியூஸ் கோயலை சந்தித்து கோரிக்கை வைத்தேன்.
இந்த கோரிக்கையை இன்று மக்களவையில் வைக்கின்றேன். சிவகாசியில் கொல்லம் ரயில் நிறுத்தி செல்லவில்லை என்றால், வருகின்ற செப்டம்பர் 22-ஆம் தேதி சிவகாசியில் நானே முன்னின்று ரயில் மறியலில் ஈடுபடுவேன். வேறு வழியில்லை". என்று அவர் தெரிவித்துள்ளார்.
English Summary
train protest Manikam Tagore say Lok Sabha