தமிழக சட்டசபை தேர்தலை முன்னிட்டு திமுக கூட்டணியில் இடம்பெற்றுள்ள தேமுதிகக்கு 10 தொகுதிகள் ஒதுக்கப்பட்டுள்ளன. ஆனால், எந்தெந்த தொகுதிகள் வழங்கப்பட வேண்டும் என்பது இன்னும் இறுதி செய்யப்படாததால், கூட்டணிக்குள் இழுபறி நிலை உருவாகியுள்ளது.

திமுக கூட்டணியில் புதிதாக இணைந்திருந்தாலும், தேமுதிகக்கு முதல்வர் ஸ்டாலின் அளித்த முக்கியத்துவம் அரசியல் வட்டாரங்களில் கவனத்தை ஈர்த்துள்ளது. ஒரு ராஜ்யசபா இடம் மற்றும் இரட்டை இலக்க தொகுதிகள் வழங்கப்பட்டிருப்பது இதற்குச் சான்று. இதனால் கூட்டணியில் உள்ள பிற கட்சிகளிடையே அதிருப்தியும் எழுந்துள்ளது.

இந்த நிலையில், தற்போது தேமுதிக முன்வைக்கும் கோரிக்கைகளே திமுகவுக்கு சிக்கலை ஏற்படுத்தியுள்ளது. குறிப்பாக, விஜயகாந்த் வெற்றி பெற்ற பழைய தொகுதிகள் மற்றும் தற்போதைய திமுக எம்எல்ஏக்கள் உள்ள தொகுதிகளைதே தேமுதிக கேட்டு வருவது பிரச்சனையின் மையமாகியுள்ளது.

விருத்தாச்சலம் தொகுதி தேமுதிகவுக்கு உறுதியாகியுள்ளது. அங்கு காங்கிரஸ் சிட்டிங் எம்எல்ஏ இருந்தபோதும், அந்த தொகுதியை காங்கிரஸ் விட்டு கொடுத்துள்ளது. இதனால் காங்கிரஸ் தரப்பில் ஏற்கனவே அதிருப்தி உருவாகியுள்ளது.

அடுத்ததாக, ரிஷிவந்தியம் தொகுதியையும் தேமுதிக கேட்டு வருகிறது. இந்த தொகுதியில் திமுகவின் வசந்தம் கார்த்திகேயன் தொடர்ந்து வெற்றி பெற்று சிட்டிங் எம்எல்ஏவாக உள்ளார். இந்த தொகுதியை விட திமுக தயங்கிவருவது, பேச்சுவார்த்தையில் முக்கிய தடையாக உள்ளது.

இதில் மட்டுமல்லாமல், சென்னையில் உள்ள எழும்பூர் மற்றும் விருகம்பாக்கம் போன்ற திமுக வலுவான கோட்டைகளையும் தேமுதிக குறிவைத்துள்ளது. இந்த இரண்டு தொகுதிகளிலும் திமுக சிட்டிங் எம்எல்ஏக்கள் இருப்பதால், இவை குறித்து திமுக சம்மதம் தெரிவிக்கவில்லை.

இதற்குப் பதிலாக உளுந்தூர்பேட்டை போன்ற மாற்று தொகுதிகளை திமுக வழங்க முன்வந்துள்ள நிலையில், அதற்கு தேமுதிக தயக்கம் காட்டுகிறது. இதனால் கூட்டணிக்குள் பதற்றம் நீடிக்கிறது.

இந்நிலையில், தேர்தல் நேரம் நெருங்கிவரும் காரணத்தால், இன்று அல்லது விரைவில் இந்த தொகுதி பங்கீட்டை முடிக்க திமுக தீவிரமாக முயற்சி செய்து வருகிறது. கூட்டணியின் ஒற்றுமையை காக்கும் வகையில் சமரசம் ஏற்படுமா? அல்லது இந்த இழுபறி மேலும் நீளுமா? என்பது அரசியல் வட்டாரங்களில் முக்கிய கேள்வியாக