நாம் தமிழர் கட்சிக்கு விவசாயி சின்னம் கிடையாதா? - நடந்தது என்ன?

இந்தியாவில், நாடாளுமன்ற மக்களவை தேர்தல் நெருங்கி வரும் நிலையில், அனைத்து கட்சிகளும் தேர்தலுக்கு ஆயத்தமாகி வருகின்றன. நாட்டை ஆளும் பாஜகவை வீழ்த்த சுமார் 25-க்கும் மேற்பட்ட கட்சிகள் ஒன்றிணைந்து இந்தியா கூட்டணியை உருவாக்கியுள்ளது.

மக்களவை தேர்தலுக்கான தேதி மார்ச் மாதம் முதல் வாரத்தில் அறிவிக்கப்பட வாய்ப்புள்ளது. இதனைத் தொடர்ந்து தேர்தல் ஏப்ரல் 2-வது வாரம் முதல் மே 2-வது வாரம் வரை பல்வேறு கட்டங்களாக நடத்தப்படும் என்று தெரிவித்து வருகின்றனர். இதற்காக அரசியல் கட்சியினர் தீவிரமாக செயல்பட்டு வருகின்றனர்.

இந்த நிலையில், கடந்த 2021ஆம் ஆண்டு சட்டமன்ற தேர்தலில் 30 லட்சம் வாக்குகளை பெற்று 3-வது பெரிய கட்சியாக இருக்கும் நாம் தமிழர் கட்சி, இந்த முறை 50 லட்சம் வாக்குகள் பெறும் என்று கணிக்கப்படுகிறது.

இதனால், அந்தக் கட்சியின் வளர்ச்சியை தடுக்கும் விதமாக, தேர்தலில் போட்டியிடாத Bharatiya Praja Aikyata Party-க்கு விவசாயி சின்னம் ஒதுக்கப்பட்டுள்ளது என்று நாம் தமிழர் கட்சியினர் குமுறுகின்றனர். அதுவும் தமிழகத்திலும் இந்தக்கட்சி இருப்பதாக தேர்தல் ஆணையத்தில் தெரிவிக்கப்பட்டுள்ளது.