இது நாட்டிற்கு எதிரான துரோகம்.. விஜயதாரணியை சாடிய ஜோதிமணி.!!
Jothimani criticized vijayadharani joined in BJP
விளவங்கோடு தொகுதி காங்கிரஸ் சட்டமன்ற உறுப்பினர் விஜயதாரணி இன்று அக்கட்சியில் இருந்து விலகி மத்திய இணை அமைச்சர் முருகன் முன்னிலையில் பாஜகவில் இணைந்தார். இது குறித்து கருத்து தெரிவித்துள்ள கரூர் தொகுதி காங்கிரஸ் மக்களவை உறுப்பினர் ஜோதி மணி "தலைவர் ராகுல்காந்தி நாட்டைக் காக்க இறுதி யுத்தத்தை நடத்திக்கொண்டிருக்கும் இந்த நேரத்தில் ,விஜயதரணி காங்கிரஸ் கட்சியில் இருந்து விலகி பாஜகவில் இணைந்திருப்பது, இந்த தேசத்திற்கு செய்யும் மாபெரும் துரோகம்.
அரசியல் பெண்களுக்கு எப்போதும் போர்க்களம் தான். ஒவ்வொரு நாளும் நெருப்பாற்றை நீந்திதான் கடக்க வேண்டியிருக்கிறது. பெண்களின் உழைப்பும், திறமையும், செல்வாக்கும் அவ்வளவு எளிதாக அங்கீகரிக்கப்படுவதில்லை என்பது உண்மைதான்.
ஆனால் அதற்காக கொண்ட கொள்கையில் சமரசம் செய்துகொள்வதையும், நாம் இவ்வளவு காலம் எதிர்த்து நின்ற பாஜகவின் பாசறைக்குச் செல்வதையும் எவ்விதத்திலும் ஏற்றுக்கொள்ள முடியாது" என பதிவிட்டுள்ளார்.
English Summary
Jothimani criticized vijayadharani joined in BJP