குடியரசு தலைவர் தேர்தலில் இருந்து யஷ்வந்த் சின்ஹா விலகிக்கொள்ள வேண்டும் என்று அம்பேத்கரின் பேரன் வலியுறுத்தியுள்ளார்.

புதுடெல்லி, குடியரசு தலைவர் தேர்தலில் ஆளும் தேசிய ஜனநாயக கட்சி கூட்டணி சார்பில் திரௌபதி முர்முவும், எதிர்க்கட்சிகள் சார்பில் யஷ்வந்த் சின்காவும் போட்டியிடுகின்றனர். இவர்கள் நாடு முழுவதும் உள்ள மாநிலம் தோறும் சென்று தங்களுக்கு ஆதரவு திரட்டுகின்றனர். 

இந்த நிலையில், வருகின்ற 18-ம் தேதி நடைபெற உள்ள குடியரசு தலைவர் தேர்தலில் இருந்து யஷ்வந்த் சின்ஹா விலகிக்கொள்ள வேண்டும் என்று வஞ்சித் பகுஜன் ஆகாடி தலைவராக உள்ள அண்ணல் அம்பேத்கரின் பேரன் பிரகாஷ் அம்பேத்கர் வலியுறுத்தியுள்ளார்.  

இது தொடர்பாக அவர் வெளியிட்டுள்ள டுவிட்டர் பதிவில் தெரிவித்திருப்பதாவது, 

"திரௌபதி முர்முவுக்கு ஆதரவாக வாக்களிக்க பல பட்டியல் சாதியினர் மற்றும் பழங்குடியினர் இணைந்திருப்பதால், குடியரசு தலைவர் தேர்தலில் இருந்து யஷ்வந்த் சின்ஹா விலகுமாறு கேட்டுக்கொள்கிறேன்" என்று அவர் தனது டுவிட்டர் பக்கத்தில் தெரிவித்திருந்தார்.

Requesting Mr. Yeshwant Sinha to withdraw from the Presidential race because many Scheduled Caste and Scheduled Tribe members from across the parties are joining to vote in favour of Madam Draupadi Murmu. @YashwantSinha

— Prakash Ambedkar (@Prksh_Ambedkar) July 16, 2022