காலைலயே நல்ல செய்தி - பெருமூச்சு விட்ட ராஜேந்திர பாலாஜி!

அதிமுக முன்னாள் அமைச்சர் ராஜேந்திர பாலாஜிக்கு எதிரான வழக்கை, தனியார் பால் நிறுவனங்கள் வாபஸ் பெற்றுள்ளது.

கடந்த அதிமுக ஆட்சி காலத்தில் ராஜேந்திர பாலாஜிக்கு எதிராக வழக்கு தொடர்ந்த தனியார் பால் நிறுவனங்கள், தற்போது நீதிமன்ற உத்தரவை தொடர்ந்து வழக்கை வாபஸ் பெறுவதாக தெரிவித்துள்ளன.

அதிமுக ஆட்சி காலத்தின் போது, பல்வளத்துறை அமைச்சராக இருந்த ராஜேந்திர பாலாஜி, "தனியார் பால் நிறுவனங்களில் ரசாயனம் கலக்கப்படுகிறது" என்று பேசி இருந்தார்.

இதனால் அதிர்ச்சியடைந்த தனியார் பால் நிறுவனங்கள், தரமற்ற பால் விற்கப்படுவதாக ராஜேந்திர பாலாஜி பேசி உள்ளதாக சென்னை உயர்நீதிமன்றத்தில் வழக்கு தொடர்ந்தன.

கடந்த 2017-ல் தொடர்ந்த இவ்வழக்கில், பேச்சுவார்த்தை மூலம் தீர்வு காணப்பட்டதாக பால் நிறுவனங்கள் தரப்பு தற்போது உயர்நீதிமன்றத்தில் விளக்கம் அளித்துள்ளது.