ஐடி ரெய்டு : பீரோ முழுக்க கட்டுக்கட்டாய் பணம், 150 கோடி ரூபாயை எண்ணியே சோர்வடைந்த அதிகாரிகள்.! வசமாக சிக்கிய புள்ளி.!
it raid in uttar pradesh
உத்தரபிரதேச மாநிலத்தில் தொழிலதிபர் வீட்டில் ரூ.150 கோடி ரொக்கம் பறிமுதல் செய்யப்பட்டு இருப்பது நாடு முழுவதும் அதிர்ச்சியை ஏற்படுத்தியுள்ளது.
பிரபல தொழிலதிபரான பியூஸ் ஜெயின்-க்கு சொந்தமான இடங்களில் வருமான வரி சோதனை இன்று 2ஆவது நாளாக நடைபெற்று வருகிறது. இந்த சோதனையில், இதுவரை ரூ.150 கோடி பறிமுதல் பறிமுதல் செய்யப்பட்டுள்ளதாக வருமான வரித்துறை அதிகாரிகள் தெரிவித்துள்ளனர்.
பியூஸ் ஜெயின்-க்கு சொந்தமான வீடு, அலுவலகம், தொழிற்சாலை, குளிர்பான கிடங்கு, பெட்ரோல் நிலையத்தில் நடத்தப்பட்ட இந்த சோதனையில், பான்மசாலா, வாசனை திரவியங்களை வெளிநாடுகளுக்கு அனுப்புவதிலும் முறைகேடு நடந்துள்ளதை வருமானவரித்துறை அதிகாரிகள் கண்டறிந்துள்ளனர்.
இந்த சோதனையில் முக்கியமாக, இவரின் தொழிற்சாலையில் போலியான இன்வாய்ஸ்-கள் மூலம் சரக்குகளை அனுப்ப தயாராக நிறுத்தி வைக்கப்பட்டு இருந்த 4 லாரிகள் பறிமுதல் செய்யப்பட்டுள்ளது.
பியூஸ் ஜெயின் இல்லத்தில் கைப்பற்றப்பட்ட பணத்தை, பணம் எண்ணும் 4 இயந்திரங்கள் மூலம் வருமான வரித்துறை அதிகாரிகள் எண்ணி வருகின்றனர். (இன்னும் முடியவில்லை) இதுவரை 150 கோடி ரூபாய் ரொக்கம் எண்ணப்பட்டுள்ளதாக அதிகாரிகளுக்கு தகவல் தெரிவித்துள்ளனர்.