செரிமான பிரச்சனை, உயர் இரத்த சர்க்கரை, இதய நோய் மற்றும் மலச்சிக்கல் போன்ற பல உடல் கோளாறுகளுக்கான காரணமாக, நார்ச்சத்து குறைபாடு முக்கியத்துவம் பெறுகிறது. நார்ச்சத்து (Dietary Fiber) என்பது, உணவில் உள்ள ஒரு முக்கியமான பகுதியாகும். இது நம் உடலை நச்சுக்களிலிருந்து சுத்தப்படுத்தும் பணியைச் சிறப்பாகச் செய்கிறது. மேலும், இரத்தத்தில் உள்ள சர்க்கரை அளவைக் கட்டுப்படுத்தவும், கெட்ட கொழுப்பைக் குறைக்கவும், உடலுறுப்பு செயல்பாடுகளை மேம்படுத்தவும் இது துணைபுரிகிறது.

பெரும்பாலான நபர்கள் தினசரி தேவையான நார்ச்சத்தை உணவில் பெறுவதில் தோல்வியடைகிறார்கள். இதை சரி செய்ய, தினமும் நம்ம உணவில் நார்ச்சத்து அதிகமுள்ள காய்கறிகளைச் சேர்த்துக் கொள்வது அவசியமாகிறது.

பச்சை பட்டாணி

கரையக்கூடிய மற்றும் கரையாத நார்ச்சத்துடன் நிறைந்தது. இரத்த சர்க்கரையும் கொழுப்புகளையும் கட்டுப்படுத்தும் சிறந்த காய்கறி.

ப்ரோக்கோலி

வைட்டமின் சி, கே, ஃபோலேட் மற்றும் நார் சத்து அதிகம். புற்றுநோய் எதிர்ப்பு சக்தியைக் கொண்டுள்ள சல்ஃபோராபீன் என்ற உட்பொருள் இதில் காணப்படுகிறது.

பசலைக்கீரை

இரும்புச்சத்து மற்றும் நார்ச்சத்து அதிகம். இரத்த சோகை, எலும்புத் தசை வளர்ச்சிக்கு முக்கியம்.

கேரட்

பீட்டா-கரோட்டின் மற்றும் ஆன்டிஆக்ஸிடன்ட்களால் கண் பார்வைக்கும் செல்கள் பாதுகாப்புக்கும் பயனளிக்கிறது.

அவகோடா

மோனோசாச்சுரேட்டட் கொழுப்புகள் மற்றும் நார்ச்சத்து நிறைந்தது. இதய நோய்களைத் தடுக்கும் இயற்கை மருந்து.

சர்க்கரைவள்ளி கிழங்கு

வீண் கலோரி இல்லாமல் உடலை ஆற்றலுடன் வைத்திருக்க உதவும். இரத்த சர்க்கரையை மெதுவாக உயர்த்தும் தன்மை கொண்டது.

சௌசௌ

நீர் சத்து அதிகம், கலோரி குறைவு. எடை குறைக்க விரும்புபவர்களுக்கு சிறந்த தேர்வு.

கத்தரிக்காய்

மூளை செயல்பாட்டை மேம்படுத்தும் நாசுனின் எனப்படும் ஆன்டிஆக்ஸிடன்ட் இதில் அதிகம்.

முருங்கைக்காய்

ஊட்டச்சத்து மற்றும் நோய் எதிர்ப்பு சக்தி அதிகரிக்கும் உணவுப்பொருள். இந்திய சமையலில் முக்கியமான இடம் பெற்றது.

தெறிக்கவிடும் நார்ச்சத்து சத்து!

இந்த காய்கறிகளை உங்கள் அன்றாட உணவில் சேர்த்துக் கொண்டால், உங்கள் உடல் ஆரோக்கியம் பலமடங்கு மேம்படும். இவை மலச்சிக்கலுக்கு தீர்வு அளிக்கின்றன, இரத்தத்தில் சர்க்கரை மற்றும் கொழுப்புகளை கட்டுப்படுத்துகின்றன, இதய நோய் அபாயத்தை குறைக்கின்றன மற்றும் சில புற்றுநோய்களைத் தடுக்கும் திறனும் உள்ளன.

ஒரு ஆரோக்கிய வாழ்கை நார்ச்சத்துடன் தொடங்குகிறது!
இனிமேல் சுவைக்கும் சத்துக்கும் முக்கியத்துவம் கொடுத்து, நார்ச்சத்தான காய்கறிகளுடன் ஒரு நலமிக்க வாழ்க்கையை வாழ்வோம்!