உடலைக் குளிர்ச்சியாக வைத்துக்கொள்வதற்கு வெந்தயம் முக்கிய பங்கு வகிக்கிறது. அதனால், இந்த வெந்தய விதையை தண்ணீரில் ஊற வைத்துக் குடிப்பதால் பல ஆரோக்கிய நன்மைகள் உள்ளன. அவை என்னென்ன என்பதுக்கு குறித்து இங்குக் காண்போம்.

* வெந்தயத்தில் கரையக்கூடிய நார்ச்சத்து உள்ளதால், செரிமான அமைப்பில் உணவின் இயக்கத்தை ஊக்குவிக்கிறது. மேலும், மலச்சிக்கலைத் தடுக்கிறது.

* வெந்தய விதைகள் இன்சுலின் உணர்திறனை மேம்படுத்துவதன் மூலம் இரத்த சர்க்கரை அளவைக் கட்டுப்படுத்த உதவுகின்றன. இந்தத் தண்ணீரை குடிப்பதால், நீரிழிவு நோயாளிகளுக்கு நன்மை பயக்கும்.

* வெந்தயத்தில் உள்ள கரையக்கூடிய நார்ச்சத்து கொலஸ்ட்ரால் அளவைக் குறைக்க உதவுவதுடன் இதய நோய் அபாயத்தைக் குறைக்கிறது.

* வெந்தய நீரில் நார்ச்சத்து அதிகம் உள்ளது. இது மிகைப்படுத்தாமல் கலோரி உட்கொள்ளலைக் குறைக்க உதவுகிறது.

* வெந்தயப் பொடியில் ஆன்டி-ஆக்ஸிடன்ட்கள் அதிகம் உள்ளது. இது அழற்சி எதிர்ப்பு பண்புகளைக் கொண்டுள்ளது. முகப்பரு அல்லது கருமையை குறைக்க உதவுகிறது.

* வெந்தயத்தில் வைட்டமின்கள், தாதுக்கள் மற்றும் ஆக்ஸிஜனேற்றங்கள் உள்ளன. அவை நோயெதிர்ப்பு மண்டலத்தை பலப்படுத்துகின்றன. 

* வெந்தயத்தில் அழற்சி எதிர்ப்பு பண்புகள் உள்ளன. இவை உடலில் ஏற்படும் வீக்கத்தைக் குறைக்கப் பயன்படுகிறது. மேலும், கீல்வாதத்தால் ஏற்படும் மூட்டு வலியைத் தடுக்கிறது.

* வெந்தய நீரை தொடர்ந்து உட்கொள்வது கொலஸ்ட்ரால் அளவைக் குறைப்பது மட்டுமல்லாமல் இருதய செயல்பாட்டிற்கு உதவுகிறது.

* பெண்களின் மாதவிடாய் சுழற்சியை சீராக்க வெந்தய விதைகள் உதவுகிறது. இது மாதவிடாயின் போது தசைப்பிடிப்பு, வலி ​​மற்றும் வீக்கம் போன்ற அறிகுறிகளைக் குறைக்க உதவுகிறது.

* வெந்தயத்தில் புரதம் மற்றும் நிகோடினிக் அமிலம் நிறைந்துள்ளதால் முடி ஆரோக்கியத்திற்கு நல்லது.