அமெரிக்கா-இஸ்ரேல் மற்றும் ஈரான் இடையேயான போர் தீவிரமடைந்துள்ள சூழலில், தனது எரிசக்திப் பாதுகாப்பை உறுதி செய்யப் பாகிஸ்தான் கடற்படை நேரடிப் பாதுகாப்பு நடவடிக்கையில் இறங்கியுள்ளது.

முக்கிய ராணுவ நடவடிக்கை:
ஐக்கிய அரபு அமீரகத்தின் ஃபுஜைராவிலிருந்து கராச்சி துறைமுகம் நோக்கி வந்த 2 பெரும் எண்ணெய்க் கப்பல்களுக்குப் பாகிஸ்தான் கடற்படை போர்க்கப்பல்கள் மூலம் பாதுகாப்பு அரண் அமைத்துக் கொடுத்தது. இந்தச் சிறப்பு நடவடிக்கைக்கு 'ஆபரேஷன் முஹாஃபிஸ்-உல்-பஹ்ர்' (Operation Muhafiz-ul-Bahr) எனப் பெயரிடப்பட்டுள்ளது.

எண்ணெய் வரத்தும் பொருளாதாரத் தாக்கமும்:
எண்ணெய் அளவு: இந்தக் கப்பல்கள் மூலம் மொத்தம் 220 மில்லியன் லிட்டர் (100+120) எண்ணெய் பத்திரமாகக் கராச்சி வந்து சேர்ந்துள்ளது.

விலை உயர்வு: பிப்ரவரி 28 முதல் நீடிக்கும் போரால், பாகிஸ்தானில் பெட்ரோல் மற்றும் எரிபொருள்களின் விலை வரலாறு காணாத உச்சத்தைத் தொட்டுள்ள நிலையில், இந்த வரத்து அந்நாட்டிற்குச் சற்று நிம்மதியைத் தந்துள்ளாது.

அரசின் முக்கிய விளக்கம்:
பாகிஸ்தான் அரசு இந்த நடவடிக்கை குறித்து ஒரு தெளிவான செய்தியை வெளியிட்டுள்ளது: அதில் "இந்த நடவடிக்கை என்பது நமது நாட்டிற்கு வரும் கப்பல்களைப் பாதுகாப்பதற்கானது மட்டுமே. இதைப் பொதுவாக ஹோர்முஸ் ஜலசந்தியைக் (Strait of Hormuz) கடக்கும் அனைத்துக் கப்பல்களுக்கும் பாகிஸ்தான் பாதுகாப்பு அளிப்பதாக சர்வதேச நாடுகள் கருதக் கூடாது" என்று அதில் தெரிவிக்கப்பட்டுள்ளது.