திமுகவின் உட்கட்சித் தோ்தல்கள் நடைந்து முடிந்த நிலையில், 71 மாவட்டச் செயலாளா் பதவியில், 64 மாவட்ட செயலாளா்கள் பதவியில் மீண்டும் அதே நபர்கள் தோ்ந்தெடுக்கப்பட்டுள்ளனா். இதில் 7 மாவட்டச் செயலாளா்கள் மட்டும் தான் புதியதாக நியமிக்கப்பட்டுள்ளனர். 

தொடர்ந்து, தி.மு.க. தலைவா், பொருளாளர், பொதுச் செயலாளா் உள்ளிட்ட பதவிகளுக்காக வரும் அக்டோபர் 9-ஆம் தேதி சென்னை கீழ்ப்பாக்கத்தில் இருக்கின்ற பச்சையப்பன் கல்லூரி எதிரே அமைந்துள்ள புனித ஜாா்ஜ் பள்ளி விங்க்ஸ் கன்வென்ஷன் சென்டரில் பொதுக்குழுக் கூட்டம் நடைபெற இருக்கின்றது. 

இந்தக் கூட்டத்தில், தி.மு.க. தலைவா், பொதுச்செயலாளா், பொருளாளா், 4 தணிக்கை குழு உறுப்பினா் ஆகியோர் தோ்ந்தெடுக்கப்படவுள்ளனா். இந்த பதவிகளுக்கு போட்டியிட விரும்புவோர் இன்று அறிவாலயத்தில் வேட்புமனு தாக்கல் செய்கின்றனர். 

இன்று காலை 10 மணி முதல் 5 மணி வரை வேட்புமனுக்கள் தாக்கல் செய்யலாம் என அறிவிக்கப்பட்டுள்ளது. இந்த நிலையில், தி.மு.க. தலைவர் பதவிக்கு முதல்வர் மு.க.ஸ்டாலின் 2-வது முறையாக மீண்டும் கட்சித் தலைவா் பதவிக்கு போட்டியிட மனுதாக்கல் செய்துள்ளார். அக்டோபர் 9-ஆம் தேதி சென்னை கீழ்ப்பாக்கத்தில் நடக்கவுள்ள பொதுக்கூட்டத்தில் போட்டியின்றி 2- வது முறையாக மீண்டும் அவரே திமுக தலைவராக தேர்வு செய்யப்படவுள்ளார்.