மாதம் ரூ.2 லட்சம் சம்பளம்.! ராணுவத்திற்கு ஆள் சேர்க்கும் பணியில் ஈடுபட்டுள்ள ரஷ்யா.!
Russia started to recruit for army with 2 lakh per month salary
ரஷ்யாவுக்கும், உக்ரைனுக்கும் இடையேயான போர் கடந்த பிப்ரவரி மாதம் 24ஆம் தேதி முதல் தொடர்ந்து நடைபெற்று வருகிறது. இப்போரில் ஆயிரக்கணக்கான ராணுவ வீரர்கள் மற்றும் பொதுமக்கள் உயிரிழந்துள்ளனர்.
மேலும் அமெரிக்கா, ஐரோப்பிய நாடுகள் நவீன ஆயுதங்களை உக்ரைனுக்கு வழங்கி வருவதால் உக்ரைன் படைகளின் ஆதிக்கம் அதிகரித்துள்ளது. இதனால் ரஷ்ய படைகளை பின்வாங்க செய்து முக்கிய நகரங்களை உக்ரைன் படைகள் கைப்பற்றியுள்ளன.
இந்நிலையில் போரில் பின்னடைவு ஏற்பட்டுள்ள நிலையில், ராணுவத்திற்கு ஆள் சேர்க்கும் பணியில் ரஷ்யா ஈடுபட்டுள்ளது. இதன்படி, ராணுவத்தில் சேர விரும்புபவர்கள் 18 முதல் 60 வயதிற்குள் இருக்க வேண்டும் என்றும், உயர்நிலை பள்ளி படித்தவராக இருக்க வேண்டும் என்றும் தெரிவிக்கப்பட்டுள்ளது.
மேலும் ராணுவத்தில் சேர்பவருக்கு மாதம் 2,700 அமெரிக்க டாலர்கள் அதாவது இந்திய ரூபாயின் மதிப்பில் 2 லட்சத்து 15 ஆயிரம் ரூபாய் சம்பளம் வழங்கப்படும் எனவும், வெளிநாட்டினரும் ராணுவத்தில் சேர விண்ணப்பிக்கலாம் என்று தெரிவிக்கப்பட்டுள்ளது.
English Summary
Russia started to recruit for army with 2 lakh per month salary