தற்போதைய காலகட்டத்தில் எல்லோருமே ஸ்மார்ட் போன் பயன்படுத்தி வருகின்றனர். இதன் மூலம் பேஸ்புக், வாட்ஸ் அப், இன்ஸ்டாகிராம் உள்ளிட்ட சமூக வலைதள செயலிகளை அவர்கள் பயன்படுத்தி வருகின்றனர்.

பெரும்பாலான மக்கள் பயன்படுத்தக்கூடிய சமூக வலைதள பக்கமாக இன்ஸ்டாகிராம் இருக்கிறது. நாளுக்கு நாள் இந்த இன்ஸ்டாகிராம் பக்கத்தில் தரத்தினை மெட்டா நிறுவனம் மேம்படுத்தி வருகிறது. 

உலக பேமஸான டிக் டாக் இந்தியாவில் தடை செய்யப்பட்ட பின் இன்ஸ்டாகிராமில் உருவாக்கப்பட்ட ரீல்ஸ் அப்டேட் தான் தற்போது மிகவும் பிரபலமானது. அந்த வகையில் அடுத்தடுத்து பயனாளர்களுக்கு என்ன தேவைப்படுகிறது என்பதை ஆராய்ந்து அதற்கு ஏற்றவாறு இன்ஸ்டாகிராம் நிறுவனம் அப்டேட் கொடுத்து வருகின்றது. 

We’ve resolved this bug now – it was causing people in different parts of the world to have issues accessing their accounts and caused a temporary change for some in number of followers. Sorry! 😵‍💫https://t.co/Q1FBOEI97D

— Instagram Comms (@InstagramComms) October 31, 2022

இந்த நிலையில் நேற்று பிரபல சமூக வலைதளமான இன்ஸ்டாகிராம் முடங்கியது. அந்த வகையில் உலக அளவில் எங்கள் அக்கவுண்ட் சஸ்பெண்ட் செய்யப்பட்டுள்ளது என பல்வேறு பயனர்களுக்கு செய்தி வந்தது.  இதனால் பல்வேறு நாடுகளில் இன்ஸ்டாகிராம் பயன்படுத்த முடியாமல் பயனர்கள் தவித்து வந்தனர்.

இதனையடுத்து இதனை சரி செய்ய முயற்சி செய்து வருவதாக மெட்டா நிறுவனம் அறிவித்திருந்தது. இந்த நிலையில் இன்ஸ்டாகிராம் சேவையில் ஏற்பட்ட தொழில்நுட்ப கோளாறு சரிசெய்யப்பட்டுவிட்டதாக நிர்வாகம் தகவல் தெரிவித்துள்ளது.