#Breaking: முதல் கூட்டணியை உறுதி செய்த அமமுக... அதிகாரபூர்வ அறிவிப்பு..!
TTV Dhinakaran AMMK Owaisi AIMIM Party Alliance Confirmed
தமிழக சட்டப்பேரவை தேர்தல் 2021 அமமுக - ஒவைசி கூட்டணி ஒப்பந்தம் கையெழுத்தாகியுள்ளது.
அம்மா மக்கள் முன்னேற்ற கழகத்தின் பொதுச்செயலாளர் டிடிவி தினகரன் வெளியிட்டுள்ள அறிக்கையில், " 06.04.2021 அன்று நடைபெறவுள்ள தமிழ்நாடு மற்றும் புதுச்சேரி சட்டப்பேரவை பொதுத்தேர்தலில், அம்மா மக்கள் முன்னேற்றக் கழகமும், திரு.பாரிஸ்டர் அசதுத்தீன் உவைசி M.P., அவர்கள் தலைமையிலான அகில இந்திய மஜ்லிஸ்-ஏ-இத்திஹாதுல் முஸ்லிமீன் கட்சியும் (AIMIM) கூட்டணி அமைத்து தேர்தலைச் சந்திப்பது என்று முடிவு எடுக்கப்பட்டுள்ளது.
அம்மா மக்கள் முன்னேற்றக் கழகத்திற்கும் அகில இந்திய மஜ்லிஸ்-ஏ- இத்திஹாதுல் முஸ்லிமீன் கட்சிக்கும் இடையே இன்று ஏற்பட்ட ஒப்பந்தப்படி அம்மா மக்கள் முன்னேற்றக் கழகத்தின் தலைமையிலான கூட்டணியில், அகில இந்திய மஜ்லிஸ்-ஏ-இத்திஹாதுல் முஸ்லிமீன் கட்சிக்கு தமிழ்நாட்டில் கீழ்காணும் மூன்று (3) சட்டமன்றத் தொகுதிகள் ஒதுக்கீடு செய்யப்படுகிறது.
இதன்படி, வாணியம்பாடி, கிருஷ்ணகிரி, சங்கராபுரம் ஆகிய தொகுதிகள் ஒதுக்கீடு செய்யப்பட்டுள்ளது. இந்த கூட்டணி ஒப்பந்தத்தில், அகில இந்திய மஜ்லிஸ்-ஏ-இத்திஹாதுல் முஸ்லிமீன் தமிழக பொறுப்பாளர் முகமது ரஹமதுல்லா தாயப் மற்றும் அகில இந்திய மஜ்லிஸ்-ஏ-இத்திஹாதுல் முஸ்லிமீன் கட்சி தமிழக தலைவர் T.S.வக்கீல் அஹமது, அமமுக பொதுச்செயலாளர் டிடிவி தினகரன் ஆகியோர் கையெழுத்திட்டுள்ளனர் " என்று தெரிவிக்கப்பட்டுள்ளது.
Tamil online news Today News in Tamil
English Summary
TTV Dhinakaran AMMK Owaisi AIMIM Party Alliance Confirmed