சாலையோர கடைகளையும் அகற்றி போக்குவரத்து நெரிசலை குறைக்கும் முயற்சி! 

திருச்சி மாநகராட்சி சாலையோரங்களில் கைவிடப்பட்ட வாகனங்களை அகற்றும் முயற்சியில் மாநகராட்சி ஊழியர்கள் மேற்கொண்டு வருகின்றனர். திருச்சி மாநகராட்சி நகர் முழுவதும் கைவிடப்பட்ட வாகனங்களை பறிமுதல் செய்யும் நடவடிக்கையை தொடங்கியுள்ளது. சனிக்கிழமை தொடங்கிய இந்த நடவடிக்கையில் 170க்கும் மேற்பட்ட வாகனங்கள் பறிமுதல் செய்யப்பட்டுள்ளன. கண்டோன்மென்ட், பாலக்கரை, மரக்கடை, வில்லியம்ஸ் சாலை, வொரையூர், ரெனால்ட்ஸ் சாலை உள்ளிட்ட நகரின் பல்வேறு பகுதிகளில் கைவிடப்பட்ட தள்ளு வண்டிகள், இருசக்கர வாகனங்கள், ஆட்டோரிக்‌ஷாக்கள், சேதமடைந்த கார்கள் அகற்றப்பட்டன.

நகரின் பல்வேறு மூலைகளிலும், பேருந்து நிலையங்கள், ரயில் நிலையங்கள் போன்ற முக்கிய இடங்களிலும் உரிமை கோரப்படாமல் கிடக்கும் வாகனங்களை அகற்ற காவல்துறையினரின் உதவியை மாநகராட்சி அதிகாரிகள் கேட்டுள்ளனர். பறிமுதல் செய்யப்பட்ட வாகனங்களின் உரிமையாளர்களுக்கு அபராதம் விதிக்கவும், உரிமை கோரப்படாத வாகனங்களை ஏலம் விடவும் மாநகராட்சி திட்டமிட்டுள்ளது. “பெரும்பாலான வாகனங்கள் பயன்படுத்த முடியாத நிலையில் பல மாதங்களாக ஒரே இடத்தில் நிறுத்தப்பட்டுள்ளன. இவ்வளவு காலத்திற்குப் பிறகு யாரும் அவற்றை யாரும் கோருவது சாத்தியமில்லை என்றே தெரிகிறது.கைவிடப்பட்ட வாகனங்களால், போக்குவரத்து தடைபடுவதால் வாகன ஓட்டிகள் மற்றும் பாதசாரிகள் சிரமப்படுகின்றனர். இது மிகவும் தேவையான முயற்சி. கைவிடப்பட்ட வாகனங்களால், பெரும்பாலான ரோடுகளில் வாகனங்களை நிறுத்த முடியாத நிலை உள்ளது. நகர் முழுவதும் இதுபோன்ற வாகனங்களை அகற்றவும், இடத்தை விடுவிக்கவும் அவ்வப்போது இயக்கங்களை மேற்கொள்வது அவசியம் என பொதுமக்கள் கருத்து தெரிவிக்கின்றனர்.