தாம்பரம்-திருநெல்வேலி இடையே... கோடைக்கால சிறப்பு ரயில் இயக்கம்..!
Summer special train operation between Tambaram to tirunelveli
கோடை காலத்தில் கூட்ட நெரிசலை தவிர்ப்பதற்காக தாம்பரம்-திருநெல்வேலி இடையே கோடைகால சிறப்பு ரயில்கள் இயக்கப்படுகிறது என்று தெற்கு ரயில்வே அறிவித்துள்ளது.
இதன்படி, வண்டி எண் 06031 தாம்பரம் - திருநெல்வேலி கோடை சிறப்பு ரயில் தாம்பரத்தில் இருந்து ஏப்ரல் 26, மே 3, 10, 17, 24, (புதன்கிழமை) இரவு 10.30 மணிக்குப் புறப்பட்டு மறுநாள் காலை 11.15 மணிக்கு திருநெல்வேலி சென்றடையும்.
எண் 06032 திருநெல்வேலி - தாம்பரம் கோடை சிறப்பு ரயில் திருநெல்வேலியில் இருந்து ஏப்ரல் 27, மே 4, 11, 18 மற்றும் 25 (வியாழன்) ஆகிய தேதிகளில் மதியம் 1.15 மணிக்குப் புறப்பட்டு மறுநாள் அதிகாலை 2.50 மணிக்கு தாம்பரம் சென்றடையும்.
எண் 06021 தாம்பரம் - திருநெல்வேலி கோடை சிறப்பு ரயில் ஏப்ரல் 27, மே 4, 11, 18, 25 (வியாழன்) ஆகிய தேதிகளில் தாம்பரத்தில் இருந்து இரவு 9 மணிக்குப் புறப்பட்டு, மறுநாள் காலை 9 மணிக்கு திருநெல்வேலியை சென்றடையும்.
எண் 06022 திருநெல்வேலி - சென்னை எழும்பூர் கோடை சிறப்பு ரயில் திருநெல்வேலியில் இருந்து ஏப்ரல் 28, மே 5, 12, 19, 26 (வெள்ளிக்கிழமைகளில்) மதியம் 1 மணிக்குப் புறப்பட்டு மறுநாள் அதிகாலை 3.20 மணிக்கு சென்னை எழும்பூரை வந்தடையும்.
English Summary
Summer special train operation between Tambaram to tirunelveli